PM:05:09:22/02/2025
756 جار خوێندراوەتەوە
+
-
رێڤەبەریا حەج و عومرەیا هەرێما کوردستانێ راگەهاند،
دەمێ ئەنجام دانا گرێبەستێ تا رۆژا سێشەمبییا ڤێ هەیڤێ دێ هێتە درێژکرن. دبێژیت
ژی، هەر کۆمپانییەک گیرووبیت مافێ پشکداریکرنێ نامینیت و کۆمپانیەکا یەدەگ دێ ل
جهێ وێ هێتە دانان.
ئەڤڕۆ شەمبی ٢٢ـێ شوباتێ، رێڤەبەریا حەج و عومرەیا
هەرێمێ راگەهاندنەک بەلاڤکر و تێا هاتییە، ژ پێخەمەت بەرژەوەندییا گشتی و ژبەرکو
بەشەکا خودان کۆمپانیایان ل سعوودیە بوون دەمێ ئەنجام دانا گرێبەستێ تا رۆژا
سێشەمبی ٢٥ـێ هەیڤێ دێ هێتە درێژکرن.
ئاماژە ب وێیەکێ ژیکر، دووبارە هەمی کۆمپانیان هایدار
دکەین کو ناڤێن وان بۆ وەرزێ حەجا ٢٠٢٥ێ دەرچوویە ب زووترین دەم سەرەدانا بەشێ
یاسایێ رێڤەبەریا گشتییا حەج و عومرەییا کوردستانێ بکەن ب مەرەما ئیمزاکرنا
گرێبەستێ.
هەڤدەم، لدیف راگەهاندنێ، هەر کۆمپانییەک گیروببیت مافێ
پشکداریکرنێ نامینیت و کۆمپانیەکا یەدەگ دێ ل جهێ وێ هێتە دانان و ئەگەر هەر خودان
کۆمپانیەک بەرهەڤ نەبوو و دشێت بریکارێ کۆمپانیێ یان پاریزەرێ خۆ بنێریت.
راگەهاند ژی، ئەو کۆمپانیا
گرێبەستا عومرەیێ نەکری و پێدڤییە کۆژمێ پێنج هزار دۆلاران دگەل خۆ بینیت وەکو
بارمتە.