PM:12:52:22/02/2025
300 جار خوێندراوەتەوە
+
-
شاندێن بلندێن پارتی و
یەکێتی ل سلێمانیێ د کۆمبوونێ دانە و پەیڤدارێ یەکێتی راگەهاند، کۆمبوونا ئەڤرۆ یا
دناڤبەرا پارتی و یەکێتی بۆ بڕیاردانێ یە لسەر وان ستراتیژێن شاندێن تەکنیکیێن
هەردوو ئالیان بەرهەڤ کرینە.
ئەڤرۆ شەمبی، شاندێن
بلندێن پارتی و یەکێتی ل سلێمانیێ د کۆمبوونێ دانە دەربارەی پێکئینانا کابینەیا
نویا حکومەتێ و بڕیاردان لسەر وان ستراتیژێن کو شاندێن تەکنیکیێن هەردوو ئالیان
بەرهەڤ کرینە.
بەری نها ژی، سەعدی
ئەحمەد پیرە پەیڤدارێ یەکێتی راگەهاندبوو، کۆمبوونا ئەڤرۆ یا پارتی و یەکێتی بۆ
ئێکئالیکرنا تەوەران دبیت یێن شاندێن تەکنیکی بەرهەڤکرینە و دێ وان خالان کەنە بنەما
بۆ پێکئینانا کابینەیا نویا حکومەتێ.
ژلایەکێ دی ڤە، هوشیار زێباری ئەندامەکێ مەکتەب سیاسیا
پارتی بەحسا وێ یەکێ کر، 90% کارێن پێکئینانا کابینەیا نویا حکومەتێ
تەمام بووینە و تا
نها چەند کۆمبوون دگەل یەکێتی دا ئەنجامداینە و گەهشتینە گەلەک ئەنجامێن باش.
لدویف زانیاریێن ئێن ئاڕ
تی، یەکێتی سازش لسەر پۆستێ سەرۆکێ حکومەت و سەرۆکێ هەرێمێ کریە بۆ پارتی، د
دەمەکی دا ل دەمێ بانگەشەیا هەلبژارتنێ سەرۆکێ یەکێتی بانگەشەیا هەرفاندنا
دەستهەلاتا پارتی دکر و دگوت ب پۆستێن جێگریێ رازی نابن.