PM:12:03:22/02/2025
88 جار خوێندراوەتەوە
+
-
ڕەنگە جەنەراڵەکێ ئۆکرانی ببیتە بەدیلێ زیلینسکی، کو تا دهێت
بنگەهێ جەماوەریێ وی زێدەتر دبیت و ژئالیێ میدیایێن ئوکرانیا ڤە ناڤێ (جەنەرالێ
ئاسنی)ی لسەر هاتیە دانان و بوویە سمبولەک بۆ بەرخودانێ.
ب هەر بهایەکێ بیت دۆناڵد ترەمپ بڕیاردایە دوماهیێ ب شەرێ
ئوکرانیا بینیت و دگەل ژی دا فۆلۆدیمیر زێلینسکی د پۆستێ سەرۆکایەتیا ئۆکرانیا دا
نەمینیت، کو وەکی ئەو بخۆ دبێژیت بێ هیڤی کریە و دکتاتورە.
دڤێ ناڤبەرێژی دا ڤالیری زالوژنێ یێ ٥١ سالی، کو بالیۆزێ
ئۆکرانیایە ل بەریتانیا و بەری نوکە فەرماندەیێ گشتی یێ هێزێن چەکدار بوو، ژئالیێ
ڕۆژنامەیا (زە سەن) یا بەریتانی ڤە ب ئێک ژ شانسترین کەسایەتیان دهێتە بناڤکرن کۆ
جهێ زێلینیسکی بگریت.
ئەڤ کەسایەتیە ل ئالیێ ئوکرانیان قەهرەمانە و میدیا ب (جەنەرالی
ئاسن)ی بناڤ دکەن و بوویە سیمبولا بەرخودانێ یا وی وەلاتی و تا دهێت بنگەهێ
جەماوەریێ وی زێدەتر دبیت.
د نویترین راپرسی ژی دا ڤالیری زالوژنی پشتەڤانیا رێژەیا ٣٦% یا دەنگان بدەستڤەئینایە، د دەمەکیدا زیلینسکی بتنێڕێژەیا ٢٤% ێ ب دەستڤەئینایە.
دڤێ ناڤبەرێ دا سەرۆکێ ئەمریکا داخازا ئەنجامدانا هەلبژارتنان
دکەت ل ئۆکرانیا بێ وێیەکێ کو چ رێکەفتنێن ئاگربەستێ دگەل روسیا دا بهێنە ئیمزاکرن.
ب دیتنا چاڤدێران ڤالیری زالوژن باشترین جهگرە بۆ
زیلینسکی داکو ببیتە سەرۆکی داهاتیێ ئۆکرانیا، ئەڤەژی ب سەدەمێ رابردوویێ سەربازی
و شارەزایێ دبیاڤێ دیپلوماسی دا، کو ل ڤان دوماهیان دگەل وەزیرێ دەرڤەیێ بەریتانیا
ل باژێرێ کیێڤ کۆمبوویە.
ژئالیەکێ
دی ڤە بڕیار و لڤینێن دۆنالد ترەمپ و نێزیکبوونا وی ژ رووسیا ئەوروپا هژاندیە و دترسن ئەمریکا
دەستبەرداری ئەوروپا بیت و ل هەمبەر گەفێن رووسیا نە پارێزیت، ب تایبەتی کو نها ترەمپ
ب بهێنی دگەل سەرۆکێ ڕوسیا و بێی پشکداریا ئەوروپیان گوتوبێژ لسەر راوەستاندنا
شەرێ ئوکرانیا دکەت، هەروەسا ئەگەر هەیە خۆ ژ هەڤپەیمانیا ناتۆ ڤەکێشیت.
بەریتانیا
ژی پشتەڤانیا پێشنیارا ترەمپی دکەت بۆ راوەستاندنا شەرێ ئوکرانیا، لێ یا رژدە لسەر ڕێزگرتن ل سەروەریا
ئۆکرانیا و دبێژیت دڤێت ئوکرانیا ئالیەکێ سەرەکیێ گوتوبێژان بیت.
هەر دەربارەی
شەری ئیمانوێل ماکرۆن سەرۆکێ فەڕەنسا ئاخفتنا خۆ هەیە و ب ژڤانە ل حەفتیا داهاتی
سەرەدانا واشنتۆن بکەت و باوەریێ بۆ ترەمپی دروست بکەت، کو سازشکرن بۆ داخازیێن
پوتنی ل هەمبەر چین و ئێراندێ وی وەکی سەرۆکەکێ لاواز نیشان دەت.
ماکرۆنی
رەخنە ژی ل داخویانیا ترەمپی گرت کو زێلینسکی ب دیکتاتۆر ناڤکریە و تەکەز ژی کریە کو
سەرۆکێ ئۆکرانیا ب رێکا هەلبژارتنەکا دیموکراسی دەستهەلات وەرگرتیە و سەدەمێ
ئەنجامنەدانا هەلبژارتنان ژی ل وی وەلاتی بەردەوامیا شەری یە.