PM:08:29:20/02/2025
1484 جار خوێندراوەتەوە
+
-
سەقاناسیا عێراقێ راگەهاند، بارسەتە هەوایەکێ جەمسەریێ
گەلەک سار ب بەفر و بارانێ دێ بەرەف دەڤەرێن هەرێمێ عێراقێ هێت. دبێژیت ژی، ل رۆژا
ئێکشەمبییا بهێت پێشبینییا بەفر بارینێ ل سەنتەرێن باژێران دهێتەکرن.
ئەڤڕۆ پێنجشەمبی ٢٠شوباتێ، ڕێڤەبەریا سقاناسیا عێراقێ
راگەهاند، بارستە هەوایەکێ جەمسەریێ گەلەک سار دێ بەرەف دەڤەرێن عێراقێ و هەرێما
کوردستانێ هێت کو دبیتە ئەگەرێ بەفر و بارانێ دگەل داکەفتنا پلەیێن گەرمێ ب
ڕەنگەکێ بەرچاڤ.
ئاماژە ب وێیەکێ ژیکریە، ئەف ئاستێ پلەیێن گەرمێ ژبەر وێ
پێلێ دادکەڤن، دبێتە نزمترین پلە ل هەمی وەرزێ زڤستانا ئەڤسالە.
راگەها دژی، کاریگەریا وێ پێلێ ل رۆژێن ئێکشەبییا بهێت
تا رۆژا ئەینی یا حەفتییا بهێت دێ گەهیتە گۆپیتکێ.
دەربارێ پێشبینیێن بەفر بارینێ، دەستەیا سەقاناسیا
عێراقێ دبێژیت، دهێتە چاڤەڕێکرن ل دەڤەرێن چیایێن سنووریێن پارێزگەها هەولێر بەفر
بباریت، هەروەسا ل بەرێ سپێدەهییا رۆژا ئێکشەمبی ل سەنتەرێ باژێڕێن سلێمانیێ، دهۆک
و باکوورێ هەولێر بەفر ببیاریت.
هەڤدەم، سەقاناسیا عێراقێ چەندین هایداری بۆ وەلاتییان بەلاڤکرنە
و راگەهاند، پێدڤییە ڕێوجهێن پێدڤی بگرنە بەر بۆ رووبڕووبوونا وێ سەرمایا بهێز،
هەروەسا دڤێت شۆفێر ئاگەهدار بن ژ دروستبوونا بەستیێ.