PM:02:58:14/02/2025
116 جار خوێندراوەتەوە
+
-
وەزیرێ دەرڤەیێ عێراقێ
ڕاگەهاند، عێراق دێ بانگهێشتا ولاتێ عەرەبی کەت بۆ بەرهەڤبوون د کۆمبوونا کوپیتکا
عەرەبی دا ل بەغدا، د ناڤ وان ژی دا ئەحمەد شەرع، دبێژیت ژی، د نها دا گوتوبێژ
دناڤبەرا هێزێن عێراقی دا هەیە دەربارەی بابەتێ وەرگرتنا چەکی ژ گروپێن چەکدار.
ئەڤرۆ ئەینی، فواد حسێن
وەزیرێ دەرڤەیێ عێراقێ د چاڤپێەفتنەکێ دا دگەل کەنالێ فرانس 24 ڕاگەهاند،
بانگهێشتا فەرمیا ئەسعەد شەیبانی وەزیرێ دەرڤەیێ سوریا کریە داکو سەرەدانا عێراقێ
بکەت و ل ڤان نێزیکان ژی دێ هێتە پایتەختێ عێراقێ.
ئاماژە ب وێ یەکێ ژی کر،
د کۆمبوونا کوپیتکا دیالۆگا بەغدا کو بڕیارە ل هەیڤا ئەیارا بهێت بهێتە ئەنجامدان،
بانگهێشتی هەمی سەرکردەیێن عەرەب دێ هێتە کرن و دناڤ وان ژی دا ئەحمەد شەرع سەرۆک
کۆمارێ سوریا بۆ قۆناغا ڤەگوهێزەر.
دەربارەی پەیوەندیێن
ئەمریکا و عێراقێ بەحسا وێ یەکێ کر، عێراق د پەیوەندیێن بەردەوام دایە دگەل
ئەمریکا دا و تەکەز ژی دکەت ئالۆزیێن واشنتۆن و تاران کارتێکرن لسەر هەمی ولاتان
هەیە نەکو بتنێ عێراقێ.
زەلال ژی کر، د نها دا
گوتوبێژ دناڤبەرا هێزێن عێراقی دا هەیە بۆ دانانا چەکێ ژلایێ گروپێن چەکدار ڤە.