PM:12:10:14/02/2025
1480 جار خوێندراوەتەوە
+
-
شەڤا دەربازبووی پێلەکا
بەفر بارینێ پتریا دەڤەرێن هەرێما کوردستانێ ڤەگرتیە ب تایبەت سنورێ دهۆکێ و
زۆرترین بەفر ل وی سنوری ل کانی ماسێ 12 سەنتیمەترێن بەفرێ بارینە و ل زاویتە ژی
دهۆکێ هەشت سەنتیمەتر بارینە.
ئەڤرۆ ئەینی، رێڤەبەریا
سەقاناسی و عەردهەژزانا دهۆکێ راگەهاند، ل ژ شەڤا دەربازبووی ڤە ل سنورێ دهۆکێ زۆرترین
بەفر ل کانی ماسێ باریە ب 12 سەنتیمەتران و ل سەنتەرێ ئامێدیێ ژی نەهـ سەنتیمەتر
بارینە.
ئاماژە ب وێ یەکێ ژی کر،
ل زاویتە هەشت سەنتیمەترێن بەفرێ بارینە دگەل 10.2 ملیمێن بارانێ ل دهۆکێ.
ئەو یەکژی بەرچاڤکر، ل مانگێشکێ
ژی نەهـ سەنتیمەتر و ل بامەڕنێ هەشت سەنتیمەتر و ل هەر ئێک ژ سەرسنگ و باتیفا چار
سەنتیمەترێن بەفرێ بارینە و ل ل چەمانکێ ئێک سەنتیمەترێ بەفرێ و 29 ملیمێن بارانێ.
دەربارەی زۆرترین رێژەیا
باران بارینێ ژی زەلالکر، ژ شەڤا دەربازبووی ڤە 20 ملیمێن بارانێ ل دێرەلوک بارینە
و ل شیلادزێ 17 ملیم و ل دەرکارێ ژی 15.5 ملیمێن بارانێ بارینە.
ئەڤە د دەمەکی دایە،
سەقاناسیا هەرێمێ بەحسا وێ یەکێ کر بوو، ل هندەک گوندێن سنورێ بالەکایەتی نیزیکی دوو
مەترێن بەفرێ بارینە و کارتێکرنا پێلا بەفر و باران بارینێ تا درەنگیا ئەڤ شەڤە
بەردەوام دبیت ل هەرێما کوردستانێ.