PM:02:46:12/02/2025
560 جار خوێندراوەتەوە
+
-
ئەندامەکێ لژنەیا پەترۆل
وغازێ ل پەرلەمانێ عیراقێ راگەهاند، تا دەستپێکا حەفتیا بهێت هنارتنا پەترۆلا
هەرێما کوردستانێ بۆ دەرڤە دێ دەستپێکەت، دبێژیت ژی، تورکیا ژی بەرهەڤی نیشاندایە
بۆ دەستپێکرنا هنارتنا پەترۆلا هەرێمێ.
ئەڤرۆ چارشەمبی، سەباح
سوبحی ئەندامێ لژنەیا پەترۆل و غازێ ل پەرلەمانێ عێراقێ بۆ میدیایا فەرمیا پارتی
ڕاگەهاند، ئەگەر هەیە د ڤێ حەفتێی دا هنارتنا پەترۆلا هەرێمێ دەستپێنەکەت تا حەفتیا
بهێت، ژبەرکو چ رێگریەک نەمایە و بەرهەڤیێن تەمام بۆ هاتینەکرن.
ئاماژە ب وێ یەکێ ژی کر،
تورکیا بەرهەڤیا خۆ نیشاندایە بۆ دەستپێکرنا هنارتنا پەترۆلا هەرێمێ و بۆریا چ
ئاریشە تیدا نینە، ژبەر هندێ بەرهەڤی هاتینەکرن ل ئێکەم رۆژ 400 هزار بەرمیلێن
پەترۆلا هەرێمێ بهێنە هنارتن بۆ دەرڤە و بۆ هەر بەرمیلەکێ ژی 16 دۆلار بۆ
کۆمپانیان دێ هێتە هژمارتن.
ئەو یەکژی بەرچاڤکر،
ئێکەم پێنگاڤ پەترۆل دێ هێتە هناردەکرن و پشترا هندەک قۆناغێن دی هەنە، ژبەر هندێ ب
بەرهەڤبوونا دەستەیەکا شێوەرمەندی ب هەڤبەندی دناڤبەرا وەزارەتا سامانێن سروشتیێن
هەرێمێ و وەزارەتا پەترۆلا عێراقێ دێ هێتە هنارتن.
ئەڤە د دەمەکی دایە،
ژبەرکو دوو سالن پەترۆل د وان بۆریان دا نەهاتیە هنارتن بڕیارە پێداچوون پێ
بهێتەکرن بۆ وێ مەرەمێ ژی تیمەکا تەکنیکیا عێراق و هەرێمێ دگەل تورکیا دا لسەر
هێلن بۆ تەمام کرنا رێوجهێن تەکنیکی ژبەر هندێ بڕیارە ل دەستپێکا هەیڤا بهێت
هنارتنا پەترۆلا هەرێمێ ب تەمامی دەستپێبکەت.