PM:12:04:12/02/2025
440 جار خوێندراوەتەوە
+
-
وەزارەتا ناڤخۆیا هەرێمێ
راگەهاند، تۆمارکرنا ئێکەمجار و خەرجیێن ژینگەهی دێ لسەر هەمی ترۆمبێلێن کارەبایی
هێتە هەلگرتن ب مەرەما زێدەتر بکارئینانا ترۆمبێلێن کارەبایی کو ب دۆستێ ژینگەهێ
دهێنە نیاسین.
ئەڤرۆ چارشەمبی، رێبەر ئەحمەد
وەزیرێ ناڤخۆیا حکومەتا رێڤەبرنا کارێن هەرێمێ ڕاگەهاند، ئەڤ بڕیارە ل 16ـێ ڤێ
هەیڤێ دێ هێتە بجهئینان ب مەرەما زێدەتر بکارئینانا ترۆمبێلێن کارەبایی کو ب دۆستێ
ژینگەهێ دهێنە نیاسین و ژینگەهێ پیس ناکەن.
ئاماژە ب وێ یەکێ ژی کر،
لدویف رێنماییا 2ـێ یا سالا 2025ـێ تۆمارکرنا ئێکەم جار بۆ هەمی ترۆمبێلێن کارەبایێ
بێ بەرامبەر دبیت ل روویێ دارایی و بێ وەرگرتنا پارەیێ ژینگەهێ ژی دبیت کو سالانە
ژ ترۆمبێلێن دی دهێتە وەرگرتن.
ئەڤە د دەمەکی دایە، نێزیکی
چار هزار ترۆمبێلێن کارەبایی ل هەرێما کوردستانێ هەنە و تا نها پارەیێ ژینگەهێ ل
وان دهێتە وەرگرتن د دەمەکی دا کو ژینگەهێ پیس ناکەن و بارگاویکرنا وان دەرەکی یە و
وەک بەنزنخانەیانە لێ ویستگەهێن بارگاویکرنا ترۆمبێلێن کارەبایی ل هەرێمێ گەلەک
کێمن و لدویف پێدڤیان نینە.