PM:04:17:11/02/2025
2276 جار خوێندراوەتەوە
+
-
د داویێ دا رێکەفتن لسەر
مووچەیێ خانەنشینێن هەرێمێ هاتەکرن و مووچەیێ هەمی خانەنشینێن سڤیلێن هەرێمێ
هەڤئاوایێ یێن عێراقێ لێ هاتەکرن، وەزارەتا داراییا حکومەتا رێڤەبرنا کاران ژی
دبێژیت، لسەر چەوانیا جێبەجێکرنا یاسایا ژمارە نەهـ یا سالا 2014ـێ یا خانەنشینیا
ئێکگرتی دگەل حکومەتا عێراقێ دا رێکەفتن.
خانەنشینێن سڤیل یێن
هەرێما کوردستانێ کو هژمارا وان زێدەتری 175 هزار مووچەیێ وان دێ دگەل خانەنشینێن
عێراقێ هێنە هەڤئاواکرن و ئەو خانەنشینێن ل ناڤەراستا سالا دەربازبووی مووچەیێ وان
هاتیە هەڤئاواکرن وەک خۆ دێ هێتە جێبەجێکرن.
بڕیارا خانەنشینێن سڤیل
مووچەیێ هەیڤا دوو ب هەڤئاواکرن وەرگرن، هەروەسا ژ هەیڤا دوو ڤە جوداهیا لێبرین و
100 هزار دینارێ دەرمالەیێ بۆ خانەنشینان دێ هێتە خەرجکرن.
هەڤدەم، دهێتە چاڤەرێکرن
مووچەیێ خانەنشینێن سەربازی ژ هەیڤا سێ ڤە هەڤئاوایێ خانەنشیێن عێراقێ بهێتەکرن، ئەوا
دمینیت ئیکرامیا خانەنشینانە و ب ڤی ئاوایی دێ هێتەدان:
１.رازیبوون لسەر خەرجکرنا 70 ملیار دیناران بۆ ئیکرامیا
خانەنشینان هاتیەدان.
２.هەمی ئەو فەرمانبەرێن ژ 1ـی 1 یێ ئەڤسالە خانەنشین بووین
دێ ئیکرامیێ وەرگرن.
３.ئەو خانەنشینێن زێدەتری 25 سالان خزمەت هەیە 12 مووچەیێ
تەمام و شەش مووچەیێ بنەرەتی وەک ئیکرامیە دێ وەرگرن.
４.ئەو خانەنشینێن زێدەتری 25 سالان خزمەت هەیە، لدویف
سالێن خزمەت و باوەرنامەیێ دانا ئیکرامیێ دێ هێتە گۆهڕین.