PM:01:44:06/02/2025
412 جار خوێندراوەتەوە
+
-
سەنتەرێ میترۆ ڕاگەهاند،
نووچەیێ ژیان ژدەستدانا رۆژنامەڤانێ ب شیان و خۆشتڤی وریا حەمەکەریم مالباتا وی و
رێڤەبەر و کارمەندێن هێژایێن ئێن ئاڕ تی و هەمی کەس دلگران کرن.
ئەڤرۆ پێنجسەمبی، سەنتەرێ
میترۆ ئاماژە ب وێ یەکێ کر، وریای ل دەمێ کارێ رۆژنامەڤانیێ خۆ ل کەنالێ هێژایێ
ئێن ئاڕ تی پەردە لسەر سەدان دۆسەیێن هەستیار هلدان، بێ ترس و ب ئاوایەکێ پیشەیی سەردەری
دگەل دا کرینە و بۆ رایا گشتی ئەشکراکرن.
ئەو یەکژی بەرچاڤکر،
هایدارن کو ژبەر پشت گرێدان ب زانیاریێن راست حەفت بەرپرسێن حکومی ژبەر خراب
بکارئینانا دەستهەلاتێن خۆ و ب هەدەردانا مولکێ گشتی و قۆرخکاری و تەرزویرکرن داینە دادگەهێ و هەمی راپۆرتێن بنکۆلکاریێن وی
لسەر وان بەرپرسان رێکارێن کارگێری و پێرابوونێن یاسایی ل دادگەهان هاتینە کرن و لبەرچاڤ
هاتینە وەرگرتن، هەمی راپۆرتێن وریای بەلگەیێن ئێکئالیکرینە لسەر وان بەرپرسان.
گوت ژی، ژیان ژ دەستدانا
رۆژنامەڤان وریا حەمەکەریم نەکو بتنێ بۆ وان و رۆژنامەڤانێن سلێمانیێ بتنێ بەلکو
بۆ خێزانا رۆژنامەڤانیا کوردستانێ ب گشتی یا دلگران و خەمبار بوو.