PM:01:16:06/02/2025
268 جار خوێندراوەتەوە
+
-
سەندیکایارۆژنامەڤانێن کوردستانێ بەهی و سەرەخۆشیا خۆ ئاراستەی ئێن ئاڕ تی و مالباتا وریا
حەمەکەریم کر و ڕاگەهاند، وەغەرا نەدەم و ژ نیشکەکێ ڤە یا هەڤکارێ وان وریا
حەمەکەریم ژ کویراتیا دلی دلگران کرن، وریا رۆژنامەڤانەکێ رح سفک و زیرەک و چالاک بوو
و ب پیشەیی کارێ خۆ دکر و بەرهەمێن وی کێم وێنە بوون، هیڤیدارن داوی نەخۆشیا مالباتا
وی و ناڤەندا میدیایا وی بیت.
ئەڤرۆ پێنجشەمبی، سەندیکایا رۆژنامەڤانێن کوردستانێ ڕاگەهاند، ژبەر
وەغەرا نەدەم یا رۆژنامەڤان وریا حەمەکەریم بەهی و سەرەخۆشیا خۆ ئاراستەی مالبات و
کەنالێ ئێن ئاڕ تی دکەن و ژبەر وی نووچەیێ ژ نیشکەکی ڤە ژ کویراتیا دلی دلگران
بوون.
ئاماژە ب وێ یەکێ ژی کر، وریا رۆژنامەڤانەکێ رح سفک و زیرەک و چالاک بوو
و ب پیشەیی کارێ خۆ دکر و بەرهەمێن وی کێم وێنە بوون، هیڤیدارن داوی نەخۆشیا مالباتا
وی و ناڤەندا میدیایا وی بیت.
ژلایەکێ دی ڤە، بەشەکا رۆژنامەڤانان ئەو یەک بەرچاڤکرن، وان دڤێت ڤێ
خەما مەزنا ژیان ژ دەستدانا هەڤپیشەیێ وان وریا حەمەکەریم دگەل مالبات و کەنالێ
ئێن ئاڕ تی دا هەڤبەش بکەن ژبەرکو ئەڤە خەمەکا مەزنە و خۆ ب خودانێ وێ خەمێ دزانن.
دبێژن ژی، وریا حەمەکەریم وەک مولکێ هەمی خەلکێ کوردستانێ دهێتە دیتن
و کارڤەدانا خەلکێ کوردستانێ ل دەمێ بەلاڤبوونا نووچەیێ ژیان ژ دەستدانا وی بەلگەیێ
وێ راستیێ نە.