AM:09:38:04/02/2025
1336 جار خوێندراوەتەوە
+
-
بەغدا دەست ب تەمویل کرن
مووچەیێ هەیڤا ئێک کر بۆ هەرێمێ، ژێدەرەکی بۆ ئێن ئاڕ تی راگەهاند، ئەو کۆژمێ
پارەی یێ بەغدا دهنێریت زێدەترە ژ ئێک تڕلیۆن دیناران.
ئەڤڕۆ سێشەمبی ٤ـێ شوباتێ، ژێدەرەکێ هایدار بۆ ئێن ئاڕ
تی راگەهاند، بەغدا دەست ب تەمویلکرنا مووچەیێ هەیڤا ئێک یێ مووچەخۆرێن هەرێمێ
کریە و بڕیارە د چەند دەمژمێرێ داهاتی دا پارەیێ مووچەی بهێتە ڕەوانەکرن بۆ سەر
هژمارە بەنکیا هەرێمێ.
ئاماژە ب وێیەکێ ژیکر،
کۆژمێ پارەی زێدەترە ژ ئێک تڕلیۆن دیناران، کو زێدەترە ژ وی کۆژمێ هەرێم و بەغدا
لسەر ڕێککەفتی کو هەیڤانە بۆ مووچەیێ مووچەخۆرێن هەرێمێ بنێریت.
ئەڤە دەمەکی دایە، دوهی وەزیرێ دارایێ حکومەتا ڕێڤەبرنا
کارێن هەرێمێ گەهشتن ب ڕێککەفتنێ دگەل بەغدا راگەهاند و گوت، مووچەیێ مووچەخۆرێن
هەرێمێ بۆ سالا ٢٠٢٥ێ هاتیە گەرەنتیکرن و هەمی هەیڤان مووچەخۆر د دەمێ خودا دێ
مووچەی وەرگرن.
ئاماژە ب وێیەکێ ژیکر، دگەل گەهشتنا پارەی ژلایێ
وەزارەتا داراییا عێراقێ، لیستا مووچەی دێ هێتە بەلاڤکرن و دەست ب بەرنامەیێ دابەشکرنا مووچەی دهێتەکرن.