PM:11:41:29/01/2025
3420 جار خوێندراوەتەوە
+
-
نووچەگەهانا ئێن ئاڕ تی
راگەهاند، شاندێ هەرێمێ و عێراقێ دەربارێ ئاریشەیا مووچەی گەهشتینە جۆرەکێ
لێکتێگەهشتنێ. گوت ژی، هەردوو شاند لسەر کۆژمێ ٩٠٠ بۆ ٩٥٠ ملیار دیناران ڕێکەفتینە
بۆ مووچەیێ هەیڤانە یێ مووچەخۆرێن هەرێمێ.
ئەڤڕۆ چارشەمبی ٢٩ـێ کانوونا دووێ، پشتی کۆمبوونا شاندێ
هەرێمێ و بەغدا دەربارێ مووچەی، نووچەگەهانا ئێن ئاڕ تی راگەهاند، شاندێ بەغدا
هەرێمێ دەربارەی ئاریشەیا مووچەی گەهشتینە جۆرەکێ لێکتێگەهشتنێ.
ئاماژە ب وێیەکێ ژیکر،
بەشەکا شاندێ بەغدا ڤەگەڕیانە بۆ بەغدا و بەشەکا دی رۆژا ئەینی دگەل شاندێ هەرێمێ
دێ ڤەگەڕن.
ئەو یەکژی بەرچاڤکر،
شاندێ هەرێمێ و بەغدا لسەر چەند میکانیزمەکان ڕێککەفتینە، ب ڕەنگەکی لیستا مووچەیێ
هەیڤا ئێک دێ بیتە بنەما بۆ هەر لیستا ١١ هەیڤێن دیێن ئەڤسالە.
بەحسا وێیەکێ ژیکر،
هەردوو شاند لسەر وێیەکێ هەڤڕانە کو کۆژمەکێ پارەی بهێتە دیارکرن بۆ مووچەیێ
مووچەخۆرێن هەرێمێ کو دناڤبەرا ٩٠٠ بۆ ٩٥٠ ملیار دیناران دایە.
گوت ژی، شاندێ بەغدا
راگەهاندیە نابیت هەرێم هەیڤانە گۆهڕانکاریێن مەزن د لیستا مووچە دا بکەت، لێ
گۆهڕانکاریێن بچیک جهێ گۆتووبێژکرنێ نە.
راگەهاند ژی، بڕیارە رۆژا ئەینی ئەو خالێن نیمچە
ڕێککەفتن لسەر هاتییە کرن بڕیارا دویماهیێ لسەر بهێتەدان و ئاریشەیا مووچەی بهێتە
ئێک ئالیکرن.