PM:11:07:29/01/2025
56 جار خوێندراوەتەوە
+
-
نەوەی نوێ پشکدارینەکرنا خۆ د کابینەیا نوی یا حکومەتێ دا راگەهاند و
دبێژیت، پشکداریێ د حکومەتەکێ دا ناکەین کو خزمەتا خەلکی ناکەت، لدیف زانیاریان
پارتی و یەکێتی کۆمبوونا ئەڤڕۆ ژبەر هندێ پاشخستییە تا پۆستان دابەش بکەن.
ئەڤڕۆ چارشەمبی ٢٩ـێ کانوونا دووێ، بڕیاربوو ئەڤڕۆ جارەکا دی پارتی و یەکێتی لەسەر پێکئینانا
کابینەیا نوی یا حکومەت کۆمبیت، لێ پشتی کۆ نەوەی نوێ راگەهاندی پشکداریێ د
حکومەتەکێ دا ناکەت کو خزمەتا خەلکی ناکەت، پارتی و یەکێتی کۆمبوونا پاشئێخستن ب
مەرەما دابەشکرنا پۆستێن کابینەیا دەهێ دناڤبەرا خودا.
ئەڤە دەمەکی دایە، شاسوار عەبدولواحید سەرۆکی ڤەلڤینا نەوەی نوێ
راگەهاندبوو، دشێن سوبەهی مەسرور بارزانی بکەنە سەرۆکێ حکومەتێ، لێ ئەو وی کاری
ناکەن، هەر کەسەکێ دی دکەت بلا بکە.
هەروەسا، فازل میرانی به‌رپرسێ ده‌سته‌یا كارگێڕییا مه‌كته‌با سیاسیا
پارتی راگەهاند، ئەگەر هەمی ئالیێن سیاسی ئێک هەلویست نەبن، ئەڤە نابنە چ.
ژلایێ خۆڤە،سەعدی پیرە پەیڤدارێ یەکێتی ئاماژە ب وێیەکێ کر،
پارتی و یەکێتی دوو پێک ئینەرێن سەرەکی نە د پرۆسەیا ڕێڤەبرنا هەرێم دا و بێ وان
حکومەت ناهێتە پێکئینان.
لدیف زانیاریان،پارتی
و یەکێتی مژیلی نڤیسینا پێکهاتەیا کابینەیا نوی نە کو مەسرور بارزانی سەرۆکاتیێ دکەت
و ژ ١٩ وەزارەت و شەش دەستەیان پێکدهێت و یەکێتی ژی ڕازیبوویە ب وەرگرتنا جێگری
سەرۆکێ حکومەتێ.