دەمەکی بەری نها ژبەر بۆمبەبارانێن بالەفڕێن شەڕکەر ل سنورێ ناحیا دینارتێ سەرب ئاکرێ دوو هەڤژین شەهید بوون.

ئەڤرۆ دووشەمبی، نووچەگەهانێ ئێن ئاڕ تی ڕاگەهاند، ل دەڤەرا زێبارێ ل سنورێ دینارتێ سەر ب ئاکرێ ژبەر بۆمبەبارانێن بالەفڕێن شەڕکەر دوو وەلاتی شەهید بوون.

ئاماژە ب وێیەکێ ژی کر، ئەو دوو وەلاتیە هەڤژین بوون و بۆ مەرەما کارێن چاندنێ چووینە وان دەڤەران.

ئەو یەکژی بەرچاڤکر، ژیێ زەلامی 58 سال بوون و ئافرەت ژی 47 سال بوو و ئاکنجیێن گوندێ بامشمشن ل سنورێ دینارتێ.

زەلال ژی کر، هندەک وەلاتیێن دی ژی دگەل وان دوو هەڤژینان دا بووینە و لێ ژبەرکو ل رەزێ خۆ زێدەتر دەربازبووی و هاتینە بۆمبەبارانکرن.

بەحسا وێ یەکێ ژی کر، د نها دا ئاکنجیێن گوندێ بامشمش چووینە جهێ بوویەرێ بۆ ڤەگەراندنا تەرمێ وان قوربانیان.

ل داویا سالا دەربازبووی ژی، چار وەلاتیێن سنورێ دینارتێ ژ ئەگەرێ شەڕ و بۆمبەبارانێن بالەفڕێن شەرکەر شەهیدبووینە.