PM:07:53:19/01/2025
608 جار خوێندراوەتەوە
+
-
ڕێڤەبەرێ گشتیێ چاکسازیێن
هەرێما کوردستانێ بۆ ئێن ئاڕ تی راگەهاند، لژنەیەک پێکئینایە بۆ پرۆژە یاسایێ
لێبوورینا گشتی و تایبەت، بزاڤان دکەین وی پرۆژەیێ بێخینە بەردەستێ گەڕا شەشێ یا
پەرلەمانێ کوردستانێ، وەکو ئێکەم پرۆژە یاسایێ پەرلەمانێ.
ئەڤڕۆ ئێکشەمبی ١٩ـێ کانونا دووێ، ئیحسان عەبدولڕەحمان ڕێڤەبەرێ گشتیێ چاکسازیێن هەرێما کوردستانێ بۆ ئێن ئاڕ
تی راگەهاند، نێزکی پێنج هزار و ٧٠٠ کەس ل چاکسازیێن هەرێمێ هاتینە دەستەسەرکرن.
ئاماژە ب وێیەکێ ژیکر،
مە دڤێت دەرفەتا لێبوورینا گشتی ب وان کەسان بدەین کو مەرج تێدا هەنە بۆ
ئازادبوونێ و هژمارا وان کەسێن لێبوورینا گشتی ڤەدگریت دناڤبەرا هزار و ٨٠٠ بۆ دوو
هزار کەسان دبیت.
ل ١٧ـێ کانوونا دووێ یا
سالا ٢٠١٧ێ پەرلەمانێ کوردستانێ لێبوورینا گشتی بۆ وان کەسێن هاتینە حکومدان دەرچوو
کو مەرج تێدا هەبوون و لدیف مەرجان هاتنە ئازادکرن.
شەش چاکسازی ل هەرێما کوردستانێ هەنە کو سێ ژ وان بۆ
کەسێن مەزنن کو ژیێ وان سەردای ١٨ سالیێ نە ل باژێڕێن هەولێر، سلێمانی و دهۆک، سێیێن
دی یێن زارۆک و ئافرەتانە.