PM:05:12:19/01/2025
440 جار خوێندراوەتەوە
+
-
ئەندامەکا لژنەیا دارایی ل پەرلەمانێ عێراقێ راگەهاند، د کۆمبوونا لژنەیا
دارایی دا دەنگ لسەر سەرڕاستکرنا بڕگەیا (ج) ل ماددەیا ١٢ێ هاتەدان کو تایبەتە ب
هناردەکرنا پەترۆلا هەرێمێ. دبێژیت ژی، لدیف سەرڕاستکرنێ تا وی دەمێ کۆمپانیەکا
پسپۆڕ دهێتە دەستنیشانکرن، بۆ هەر بەرمیلەکا پەترۆلێ ١٦ دۆلار وەکو سلفە ب هەرێمێ
دهێنە دان.
ئەڤڕۆ ئێکشەمبی ١٩ـێ
کانوونا دووێ، نەرمین مەعروف ئەنداما لژنەیا دارایی ل پەرلەمانێ عێراقێ راگەهاند،
د کۆمبوونا لژنەیا دارایی دا دەنگ لسەر سەرڕاستکرنا بڕگەیا (ج) ل ماددەیێ ١٢ێ
هاتەدان کو تایبەتە ب هناردەکرنا پەترۆلا هەرێمێ و دهێتە چاڤەڕێکرن د رووینشتنا
ئەڤڕۆ جڤاتا نوینەران دەنگی لسەر بدەت، بڤێ یەکێ ژی دەست ب هناردەکرنا پەترۆلا
هەرێمێ دهێتەکرن.
ئاماژە ب وێیەکێ ژیکر، لدیف سەرڕاستکرنێ ١٦ دۆلار بۆ هەر بەرمیلەکا پەترۆلێ
وەکو سلفە ب هەرێمێ دهێنە دان بۆ خەرجیا بەرهەمئینان و ڤەگوهاستنێ تا وی دەمی
کۆمپانیەکا پسپۆڕ د دەمێ ٦٠ رۆژان دا دهێتە دەسنیشانکرن بۆ ڕێککەفتنا ناڤبەرا
هەرێمێ و بەغدا و خەملاندنا دادپەروەرانە دهێتەکرن بۆ خەرجیا پەترۆلا هەرێمێ.
گوت ژی، لدیف یاسایا بودجەیا فیدرال، دڤێت هەرێم رۆژانە ٤٠٠ هزار بەرمیلێن پەترۆلێ
ب ڕێکا کۆمپانیا سۆمۆ ڤە هناردە بکەت یان ب ڕێکا وەزارەتا پەترۆلا عێراقێ بۆ
پێدانا پێدڤیێن ناڤخۆ بکاربینیت.