PM:02:45:03/01/2025
936 جار خوێندراوەتەوە
+
-
بهایێ زێری بەردەوامە ژ
بلندبوونێ و بهایێ هەر ئونسەیەکا زێری هەڤبەر ب دوهی 30 دۆلاران بلندبوویە، هەڤدەم
ل بازارێن هەرێمێ بهایێ هەر مسقالەکێ نەهـ هزار دیناران زێدە بوویە.
ئەڤرۆ ئەینی، لدویف
داتایێن بازارێن جیهانێ، بهایێ ئونسەیەکا زێری گەهشتیە نێزیکی دوو هزار و 665
دۆلاران و هەڤبەر ب دوهی 30 دۆلار ژ بهایێ وێ زێدە بووینە، ب وێ یەکێ کو رۆژا
دەربازبووی ئونسەیەکا زێری ب دوو هزار و 635 دۆلاران بازار پێ دهاتەکرن.
لدویف ئاخفتنا
شەهرەزایان، دهێتە چاڤەرێکرن دگەل دەستبکاربوونا دۆنالد ترەمپی سەرۆکێ هەلبژارتیێ
ئەمریکا گۆهڕین ل بهایێ زێری زێدەتر روویدەن، ب وێ یەکێ کو بەری نها ترەمپی
ڕاگەهاندبوو، وان دڤێت باجا گۆمرکی زێدە بکەن، ئەڤەژی دبیتە ئەگەرێ هەلئاوسانێ و
بەنکا ناڤەندیا ئەمریکا ژی نەچار دبیت بهایێ دۆلاری بلند بکەت و بلندبوونا بهایێ
دۆلاری رامانا هاتنە خارا بهایێ زێرییە.
بهایێ زێڕی د بازارێن هەرێمێ کوردستانێ دا ب ڤی ئاوایە:
مسقالەکا زێڕێ عەیار ١٨ ب ٤٩١ ھزار دینارانە
مسقالەکا زێڕێ عەیار ٢١ ب ٥٧٣ ھزار دینارانە
مسقالەکا زێڕێ عەیار ٢٢ ب ٦٠٢ هزار دینارانە
مسقالەکا زێڕێ عەیار ٢٤ ب ٦٥٥ هزار دینارانە
بهایێ لیرەیەکا عەیار ٢١ ب ٥٦٧ هزار دینارانە