AM:11:43:25/12/2024
372 جار خوێندراوەتەوە
+
-
د کۆمبوونا دوهی یا جڤاتا
وەزیرێن عێراقێ دا بڕیار هاتەدان، عەرد بسەر کارمەندێن وەزارەتا بەڕەڤانیێ بهێتە
دابەشکرن، هەروەسا هەر د کۆمبوونێ دا بڕیارا دامەزراندنا زانکۆیەکێ بۆ خاندنا زانستێن
ئەولەهیێ هاتە دان.
ئەڤڕۆ چارشەمبی ٢٥ـێ
کانوونا ئێکێ، جڤاتا وەزیرێن عێراقێ دوهی سێشەمبی ب بەرهەڤبوونا محەممەد شیاع
سودانی سەرۆک وەزیرێن عێراقێ ٥٢هەمین کۆمبوون ئەنجام دا، د وێ کۆمبوونێ دا چەندین
بڕیار دان.
ئێک ژ وان بڕیارێن جڤاتا
وەزیرێن عێراقێ دای، دابەشکرنا پارچەیێن عەردی یە ل دەڤەرا "نەهرەوان" ل
بەغدا بسەر کارمەندێن وەزارەتا بەڕەڤانیا عێراقێ.
هەڤدم جڤاتا وەزیرێن عێراقێ د کۆمبوونێ دا ڕازیبوون نیشاندا
ب سەپاندنا باجا گومرگا زێدە ب ڕێژەیا ٥٠٪ لسەر "سابینا شل" ئەڤا بۆ
عێراقێ دهێتە هاوردەکرن، بۆ دەمێ چار سالان بێ کێمکرن.
هەروەسا بڕیارا
دامەزرادنا زانکۆیەکێ بۆ خاندنا زانستێن ئەولەهیێ د کۆمبوونا جڤاتا وەزیران هاتیە
دان.