AM:11:53:18/12/2024
1084 جار خوێندراوەتەوە
+
-
پشتی هنارتنا سێ جەردەیێن
پارەی بۆ مووچەیێن هەیڤێن 10 و 11، تیمەکا تەکنیکیا وەزارەتا داراییا عێراقێ سێ
رۆژن ل هەولێرێ نە و رێنمایان ددەنە هەرێمێ لسەر بەرهەڤکرنا حساباتێن داویا سالێ.
لدویف زانیاریێن
وەزارەتا داراییا عێراقێ مەرج هەنە بۆ هنارتنا پارەیێ مووچەیێ هەیڤا 12 یێ هەرێمێ
و ب وەزارەتا داراییا هەرێمێ ڕاگەهاندیە، دگەل لیستا مووچەی ناسنامەیا فەرمەنبەر
یان کارتا نشتیمانی بهنێرن و رێکەفتێ دەستبکاربوونا فەرمانبەری ژی تێدا بهێتە
نڤیسین.
بەرپرسەکێ بلندێ حکومەتا
رێڤەبرنا کاران بۆ ئێن ئاڕ تی ڕاگەهاند، لیستا مووچەیێ هەیڤا 12 جارەکادی دێ هێتە
بەرهەڤکرن و بڕیارە تا سوبەهی ب داوی بهێت و پشترا بۆ بەغدا بهێتە هنارتن.
گوت ژی، "رەنگە
هویربینیا لیستێ چەند رۆژێن کێم پێ بچن ژبەرکو تێبینیێن عێراقێ تێدا هاتینە
بجهئینان".
هەیاما زێدەتری سالەکێ
یە بەغدا هایداریا هەرێمێ کریە بۆ پاقژکرنا لیستا مووچەی و دەرئینانا ناڤێن
دووبارە، لێ تا نها حکومەتا رێڤەبرنا کاران رێنمایێن بەغدا جێبەجێ ناکەت.