AM:10:01:14/12/2024
520 جار خوێندراوەتەوە
+
-
ڕێڤەبەرێ گشتیێ کارەبا دهۆکێ راگەهاند، بەری هاتنا
سەرمایێ، ١٦ دەمژمێران کارەبا نیشتیمانی ب وەلاتیان دهاتە دان. دبێژیت ژی، "حکومەتا
ڕێڤەبرنا کاران پلانەک دانایە تا سالا ٢٠٢٦ کارەبا ٢٤ دەمژمێری بۆ وەلاتیان دابین
بکەت".
ئەڤڕۆ شەمبی، ١٤ـێ کانوونا ئێکێ، شاکر مەحموود ڕێڤەبەرێ
گشتیێ کارەبا دهۆکێ راگەهاند، دگەل نێزیکبوونا وەرزێ زڤستانێ و هاتنا پێلێن
سەرمایێ و بکارئینانا ئامیرێن گەرمکرنێ ژلایێ وەلاتیان ڤە، پێدانا دەمژمێرێن
کارەبا نیشتیمانی کێمبووینە.
ئاماژە ب وێیەکێ ژیکر، تا دویماهیا هەیڤا ١١ێ نێزیکی ١٦
دەمژمێران کارەبا نیشتیمانی ب وەلاتیان دهاتە دان، لێ نها دەمژمێرێن پێدانا کارەبێ
کێمبووینە.
ئەو یەکژی بەرچاڤکر، حکومەتا ڕێڤەبرنا کاران پلان دانایە
تا سالا ٢٠٢٦ کارەبا ٢٤ دەمژمێری بۆ وەلاتیان دابین بکەت.
ئەڤە دەمەکی دایە، کابینەیا مەسرور بارزانی نها نێزیکی هزار
و ٥٠٠ مێگاواتێن کارەبا هەرێما کوردستانێ ب پارێزگەهێن عێراقێ دفرۆشیت، لێ وەلاتیێن
هەرێمێ ل هندەک دەمان، د شەڤ و رۆژەکان دا، کێمتری ٨ دەمژمێران کارەبا نیشتیمانی
هەیە.