PM:09:03:27/11/2024
1164 جار خوێندراوەتەوە
+
-
ژێدەرەکێ ژ حکومەتا عێراقێ بۆ ئێن ئاڕ تی ڕاگەهاند، بڕیارە سوبەهی رازیبوون
لسەر هنارتنا پارەیێ مووچەی بۆ هەرێمێ بهێتە نیشاندان، ژێدەرەکی ژی ژ حکومەتا
رێڤەبرنا کاران بەحسا وێیەکێ کر، ئەو پارەیێ بەغدا دهنێریت کورتئینان تێدایە.
ژێدەرەکێ ژ حکومەتا عێراقێ بۆ ئێن ئاڕ تی ڕاگەهاند، بڕیارە سوبەهی رازیبوون
بهێتە نیشاندان لسەر هنارتنا ٧٦٠ ملیاران بۆ مووچەیێ هەرێمێ، لێ چێدبیت سوبەهی نەگەهن
پارەی بهنێرن بتنێ رازیبوون بهێتە نیشاندان.
ئەو یەکژی بەرچاڤکر، ئەگەر سوبەهی زوی رازیبوون بهێتە نیشاندان و
رێکار بهێنە تەمام کرن پشتی دێ نیڤرۆ ئەو پارەیە گەهیتە هەرێمێ.
ژێدەرەکێ ژی ژ حکومەتا رێڤەبرنا کاران بەحسا وێیەکێ کر، ئەو پارەیێ
بەغدا دهنێریت کورتئینان تێدا هەیە و تا نها د گۆتۆبێژان دانە تا کو وێ کورتئینانێ
تژی بکەن، دبێژیت ژی، "ژبلی کورتئینانێ بەغدا داخازا داهاتێ ناڤخۆ کریە".
ئەندامەکێ لژنەیا دارایی ل پەرلەمانێ عێراقێ راگەهاند، سەرۆک وەزیرێن
عێراقێ و سەرۆکێ دادگەها فیدرال و وەزیرا داراییا عێراقێ پەیوەندییەکا تەلەفۆنی
ئەنجام دا و بڕیار دایە، مووچەیێ هەر سێ مەهێن ١٠ و ١١ و ١٢ بۆ هەرێمێ ڕەوانە
بکەن.
هەڤدەم، هەر ئەڤرۆ، جەمال
کۆچەر ئەندامێ لژنەیا دارایی ل پەرلەمانێ عێراقێ راگەهاند، محەممەد شیاع سودانی
سەرۆک وەزیرێن عێراقێ وجاسم محەمەد عەبوود سەرۆکێ دادگەها
فیدرال و تەیف سامی وەزیرا داراییا عێراقێ پەیوەندییەکا تەلەفۆنی ئەنجام دایە.
ئاماژە ب وێیەکێ ژیکر، د وێ پەیوەندیێ دا بڕیارهاتیە دان، بەغدا بۆ
دابەشکرنا مووچەیێ هەر سێ مەهێن ١٠ و ١١ و ١٢ بڕیار دایە بۆ هەر مەهەکێ کۆژمێ ٧٦٠
ملیار دیناران بۆهەرێمێ بنێریت.