AM:11:48:10/11/2024
576 جار خوێندراوەتەوە
+
-
وەزارەتا پەترۆلا عێراقێ ڕاگەهاند، ئەڤرۆ دەست ب دابەشکرنا گازا سپی بسەر
وەلاتیان دا دکەن.
ئەڤرۆ ئێکشەمبیێ، وەزارەتا پەترۆلا عێراقێ د ڕاگەهاندنەکێ دا بەلاڤکر، دەست
ب دابەشکرنا گازێ بسەر وەلاتیان دا دکەن و بۆ هەر خێزانەکێ ١٠٠ لتر دبن.
ئاماژە ب وێ یەکێ ژی هاتیە کرن، کۆمپانیێن دابەشکرنا سوتەمەنیێ هاتینە
ئەرکدارکرن بۆ دابەشکرنا گازا سپی بسەر وەلاتیان دا.
ئەڤە د دەمەکی دایە، حکومەتا عێراقێ هەمی سالەکێ ل دەمێ نێزیک بوونا وەرزێ
سەرمایێ، دەست ب دابەشکرنا گازێ دکەت بسەر وەلاتیان دا، ل هەرێمێ ژی حکومەتا
رێڤەبرنا کاران ل بەرامبەر بەرمیلەکێ گازێ ١٠٤ هزار دیناران ل وەلاتیان وەردگریت،
وەلاتی ژی دبێژن، ئەڤە دابەشکرن نینە، بەلکو فرۆتنا گازێ یە ب وەلاتیان.