PM:08:13:17/10/2024
424 جار خوێندراوەتەوە
+
-
ئەڤڕۆ پێنجشەمبی، کۆمسیۆنا
بلند یا هەلبژارتنێن عێراقێ راگەهاند، ئەو کەسێن پەنجەمۆرا وان ناهێتە خاندن دشێن
ب ئاوایێ تەختیە دەنگی بدەن و چ ئاریشەیەک بۆ دروست نابیت، لێ پێدڤیە کارتا نیشتیمانی
لدەف هەبیت.
شەڤا بووری، کۆمسیۆنا عێراقێ راگەهاند، ئەو کەسێن پەنجەمۆرا وان
ناهێتە خاندن ب ڕێکا پشتڕاستبوونا کارتا دەنگدەری و بەلگەنامەیێن دی دشێن دەنگی
بدەن. ژبەر هندێ ئەو کەسێن گومان هەی کو پەمجەخۆرا وان ناهێتە خاندن، پێدڤیە
دەمژمێر ٧ـی سپێدێ ل بنگەهێن دەنگدانێ بەرهەڤ بن.
ئەو یەکژی بەرچاڤکر، پێدڤە پشتی پشت ڕاستوونا بەلگەنامەیێن دەنگدەری ل
دەفتەرا دەنگدەران بهێتە تۆمارکرن و هەمی بەلگەنامەیێن دەنگدەری دگەل دا بن و
ژلایێ چاڤدێران بهێتە ئیمازاکرن. دبێژیت ژی، دڤێت ئەو پێنگاڤە دگەل هەمی وان
دەنگدەران بهێتە جێبەجێکرن یێن پەنجەمۆرا وان ناهێتە خاندن.
هەڤدەم، کۆمسیۆنا بلند یا هەلبژارتنێن عێراقێ راگەهاند، ل دەنگدانا
گشتی و تایبەت برنا مۆبایلێ و وێنەگرتن ل بنگەهان قەدەغەیە و داخاز ژ کەسێن ب
تەمەن کر ئەوێن پەنجەمۆرا وان ناهێتە خاندن، ل دەمژمێر ٧ـی سپێدێ بچن بۆ دەنگدانێ
تا بشێن دەنگی بدەن و داخاز ژی دکەن تا دەنگی نەدەن ژ بنگەهی نەدەرکەڤن.