PM:11:15:16/10/2024
648 جار خوێندراوەتەوە
+
-
وەزارەتا دارایی و ئابوورییا حکومەتا ڕێڤەبرنا کاران راگەهاند، سوبەهی پێنجشەمبی دێ لیستا مووچەیێ مەها نەهـ بەلاڤکەین.
وەزارەتا دارایی و
ئابوورییا حکومەتا ڕێڤەبرنا کارێن هەرێمێ راگەهاند، ئەڤڕۆ بەغدا ١٠٩ ملیار و ٦٦٣ ملیۆن
و ٣٢٩ هزار دینار بۆ هەرێمێ ڕەوانەکرن و سوبەهی دێ لیستا مووچەیێ مەها نەهـ هێتە راگەهاندن.
ئاماژە ب وێیەکێ ژیکر،
ئەو پارەیێ بەغدا هنارتی شایستە دارایێ مەهێن "ئەیار، حوزەیران، تەمموز، ئاب
و ئەیلوولێ" یێ وەزارەتا کارەب و پەرلەمانێ کوردستانێ و وان مووچەخۆرێن ناڤێن
وان وەکو ئێک دگەل وان مووچەخۆرێن بایۆمەتریا وان ئاریشە تێدا هەی.
ئەو یەکژی بەرچاڤکر،
وەزارەتا دارایی ٨٠٠ ملیار دینار بۆ دابەشکرنا مووچەیێ مەها ئەیلوولێ لبەر دەستی
نە، لێ ژبووی دابەشکرنا مووچەیێ هەمی مووچەخۆران پێدڤی ب ٩٩٧ ملیار دیناران هەیە.
ئەڤە دەمکی دایە، دوو حەفتینە بەغدا پارەیێ تەمام بۆ
مووچەیێ مەها نەهـ ڕەوانەکریە، لێ پارتی و یەکێتی ب مەرەم دەست بسەر پارەیێ مووچەی
دا گرتییە و مووچەی دابەش ناکەن. بەری نوکە ئێن ئاڕ تی راگەهاند، پارتی و یەکێتی
دڤێت دابەش کرنا مووچەی بۆ دەمێ دەنگدانێ گیروبکەن.