PM:08:49:16/10/2024
2432 جار خوێندراوەتەوە
+
-
لدیف زانیاریێن ئێن ئاڕ تی، پارە بۆ دابەشکرنا مووچەیێ مەها نەهـ یێ بەرهەڤە
و بەغدا چ کوژمەکێ دی یێ پارەی بۆ هەرێمێ ناهنێریت، بەنکان ژی بەرهەڤی نیشان دایە
بۆ دابەشکرنا مووچەی، لێ حکومەتا ڕێڤەبرنا کاران نەڤێت جارێ لیستا مووچەی بەلاڤ
بکەت تا دەمێ هەلبژارتنێ.
لدیف زانیاریێن
نووچەگەهانێ ئێن ئاڕ تی، بەغدا ڕژدە لسەر هندێ کو چ کوژمێن دی یێ پارەی بۆ هەرێمێ
نەهنێریت بۆ دابەشکرنا مووچەیێ مەها نەهـ، لێ بەغدا سۆز دایە پێداچوونێ ب لیستا
مووچەیێ مەهێن بووری دا بکەت ئەگەر هەرێمێ چ پارە لدەف عێراقێ مابیت، بەغدا وی
پارەیێ بۆ هەرێمێ بنێریت.
نووچەگەهانێ ئێن ئاڕ تی بەحسا وێیەکێ ژیکر، هەر پارەیەکێ دی بهێتە
هنارتن بۆ سەر هژمارا هەرێمێ تەمامی یا مووچەیێ مەها نەهـ نینە، بەلکو تەمامی یا
مووچەیێ مەهێن بووری یە.
ئەو یەکژی بەرچاڤکر، حکومەتا ڕێڤەبرنا کارێن هەرێمێ ب مەرەم دابەشکرنا
مووچەی پاش دئێخیت و پارتی و یەکێتی دڤێت د رۆژێن هەلبژارتنێ دا مووچەی دابەش
بکەن.
هەڤدەم، وەزارەتا
داراییا عێراقێ بۆ ئێن ئاڕ تی راگەهاند، پارەیێ تەمام بۆ مووچەیێ مەها نەهـ یا
مووچەخۆرێن هەرێمێ هنارتییە، لێ هەرێم ب مەرەم د نهادا داخازا پارەیێ مووچەیێ مەها
دەهـ دکەت، تا مووچەیێ مەها نەهـ پێ دابەش بکەن.