PM:08:18:03/10/2024
1076 جار خوێندراوەتەوە
+
-
وەزارەتا پەروەردەیا حکومەتا رێڤەبرنا کاران ڕاگەهاند، ب مەرەما پشتەڤانیا
کۆمسیۆنا بلندا هەلبژارتنێن عێراقێ بۆ ئەنجامدانا هەلبژارتنا گەرا شەشێ یا
پەرلەمانێ کوردستانێ بڕیار هاتە دان ل رۆژا سێشەمبی ١٥ـی ١٠ تا کو رۆژا دووشەمبی ٢١ـی
١٠ بکەنە بێهنڤەدانا فەرمی ل هەمی ناڤەندێن خاندنێ.
وەزارەتا پەروەردەیا حکومەتا رێڤەبرنا کاران د نڤیسارەکێ دا ئاماژە ب
وێیەکێ کر، ب سەدەمێ ئەنجامدانا پرۆسەیا هەلبژارتنا گەرا شەشێ یا پەرلەمانێ کوردستانێ
ل ٢٠ـی ١٠، حەفت رۆژان بهێنڤەدانا فەرمی دبیت ل هەمی ناڤەندێن خاندنێ.
بەحسا وێیەکێ ژیکر، ئەو بێهنڤەدانا ل رۆژا سێشەمبی ١٥ـی ١٠ تا کو رۆژا
دووشەمبی ٢١ـی ١٠ بەردەوام دبیت، هەڤدەم هەمی ناڤەدنێن خاندنێ یێن حکومی و نەحکومی
ب قوتابخانێن ناڤدەولەتی ڤە ژی ڤەدگریت.
ئەو یەکژی بەرچاڤکر، دەواما هەمی ناڤەندێن خاندنێ ل ٢٢ـی ١٠ دەستپێ دکەن.
ئەڤە ژی د دەمەکێدایە، پشتی گڤاشتنێن ناڤخۆی و ناڤدەولەتی، ٢٠ـی ئۆکتۆبەرێ
هەلبژارتنا گەرا شەشێ یا پەرلەمانێ کوردستانێ ب سەرپەرشتیا کۆمسیۆنا بلندا
سەربەخۆیا هەلبژارتنێن عێراقێ بڕێڤەدچیت.