PM:01:56:28/09/2024
244 جار خوێندراوەتەوە
+
-
حکومەتا ڕێڤەبرنا کارێن هەرێمێ ل دهۆکێ دەست بسەر ١٤
خانیێن تاخێ خەستێ دا گرتییە. خودانێن خانیان ژی دبێژن، "باژێڕڤانیا دهۆکێ
خانیێن مە یێن ل مە کڕین بێ پارە".
ئەڤڕۆ شەمبی، هژمارەکا وەلاتیێن تاخێ خەستێ ل دهۆکێ
خڕڤەبوونەکا نەڕازیبوونێ ئەنجام دا و راگەهاند، ل سالا ٢٠١٣ ڤە تا نها ژلایێ باژێڕڤانیا
دهۆکێ دەست بسەر خانیێن مەدا هاتیە گرتن و رێکێ بمە نادەن ئەم ل جهێ خانیێن خۆ یێن
کەڤن خانیێن نوی ئاڤا بکەین.
ئاماژە ب وێیەکێ ژیکر، باژێڕڤانی دبێژیت خانیێن هەوە بەر
جاددەیێ کەفتینە، لێ بەرهەڤ نینە مە قەرەبوو بکەت.
بەحسا وێیەکێ ژیکر، "ل چ جهەکێ دنیایێ نینە مرۆڤی
خانی هەبیت و تاپۆیا خانی ژی هەبیت، لێ نەشێت دەستکاریا خانیێ خۆ بکەت ژبەرکو دەست
بسەردا هاتینە گرتن".
ئاماژە ب وێیەکێ ژیکر، بەریا نها حکومەتا ڕێڤەبرنا کاران
راگەهاند، دێ ب یاسایا "ربع قانون" هەوە قەرەبوو کەین ب ئاوایەکی هەر
کەسەکێ خانیێ وی ١٠٠متر بیت، دێ ٧٥ متر بۆ هێنە حسێبکرن و دێ بهایێ ٧٥متران
وەرگریت، و خانیێ ١٥٠ متر دێ بهایێ ١٠٠ متران وەرگریت.
دبێژن ژی، ئاریشەیا مە ل دادگەهێ هاتیە ئێکلایی کرن و
هاتیە هنارتن بۆ نڤیسینگەها سەرۆکێ حکومەتا ڕێڤەبرنا کارێن هەرێمێ، لێ کەیسا مە ل نڤیسینگەها
مەسرور بارزانی هاتیە بێ دەنگ کرن.