PM:12:34:28/09/2024
376 جار خوێندراوەتەوە
+
-
رێڤەبەرێ دەستەیا
هەلبژارتنێن هەرێمێ ل عێراقێ بۆ ئێن ئاڕ تی ڕاگەهاند، ژبەر بەرهەڤیێن هەلبژارتنێ
پێنج رۆژان بەر ژ دەنگدانێ دەواما وان خاندنگەهان دهێتە راگرتن کو دەنگدان تێدا
دهێتەدان.
نەبەرد عومەر رێڤەبەرێ
دەستەیا هەلبژارتنێن هەرێمێ ل عێراقێ بۆ ئێن ئاڕ تی ڕاگەهاند، ٩٥٪ـێ یا بەرهەڤیێن
هەلبژارتنێ تەمام بووینە و ب تنێ دابەشكرنا فۆرما هەلبژارتنێ مایە.
ئاماژە ب وێ یەکێ ژی کر،
پێنج رۆژان بەریا هەلبژارتنێ دەواما قوتابخانەیان دهێتە راگرتن و دوو رۆژان بەری
هەلبژارتنێ ژی سندوقێن دەنگدانێ دهێنە برن بۆ بنگەهان.
راگرتنا دەوما قوتابخانەیان
ل ١٥ـێ ١٠ بۆ ٢٠ـێ ١٠ دبیت، ١٣ و ١٤ـێ مەهێ ژی ئەینیێ و شەمبیێ دکەڤن، هەروەسا ٢١ـێ
مەهێ ژی دکەڤیتە رۆژا شەمبیێ، ژبەر وێ چەندێ کۆما رۆژێن نەبوونا دەوامێ دکەنە ٩
رۆژ.
نەبەرد عومەر گۆت ژی، تا
نها ١٢ سکالا لسەر دراندنا پۆستەرێن ئالیان گەهشتیەن دەستێ وان، کو سزایا وان
کەسێن وی کاری دکەن سێ جۆرن، سزادان ب پارەی کو کوژمێ وی دناڤبەرا ٥٠٠ هزار تا ٥٠
ملیۆن دیناران دایە، یان زیندانیکرن بۆ هەیاما مەهەکێ تا سالەکێ، یان ئەگەر ئەو
کەسێ وی کاری دکەت بەربژێر بیت چێدبیت بهێتە دویرخستن.
هەڤدەم، داخاز ژ هەمی
ئالی و بەربژێران کر پێگری رێنمایێن کۆمسیۆنێ بن.