PM:12:13:28/09/2024
1004 جار خوێندراوەتەوە
+
-
نووچەگەهانێ ئێن ئاڕ تی
ڕاگەهاند، ل گۆندەکێ ناحیا مانگێشکێ ل سنورێ پارێزگەها دهۆکێ وەلاتیەکی هەڤژینا خۆ
کوشت و دوو زارۆکێن خۆ ژی بریندار کرن.
ئاماژە ب وێ یەکێ ژی کر،
ئەو بوویەر ژ ئەگەرێ ئاریشەیەکا جڤاکی بوویە و نها تەرمێ کوشتی و برینداران ل
نەخۆشخانا هەوارهاتنا دهۆکێ نە.
لسەر ڤێ بوویەرێ ئێن ئاڕ
تی پەیوەندی ب پۆلیسێن دهۆکێ کر، لێ بەرسڤا ئێن ئاڕ تی نەدا.
د کێمتری ١٥ رۆژان دا ئەڤە چارەم بوویەرا تەقەکرنی یە ل
سنورێ پارێزگەها دهۆکێ رووددەت، د ئەنجام دا دوو کەس هاتینە کوشتن و سێ کەسێن دی
ژی برینداربووینە.
زۆربوونا حالەتێن کوشتن و تەقەکرنێ ب چەکێ بێ مۆهلەت د دەمەکی
دایە، د ئێکەم گەڕا پەرلەمانێ کوردستانێ دا ل سالا ١٩٩٢، پەرلەمانێ یاسایا قەدەغەکرنا
چەکێ بێ مۆهلەت پەسەندکر. هەڤدەم، جێبەجێکرنا یاسایا قەدەغەکرنا چەکێ بێ مۆهلەت ئەرکێ
وەزارەتا ناڤخۆیە، لێ هەڤئاوایێ هەمی یاسایێن دی یێن ل پەرلەمانێ دەرچووی، پارتی و
یەکێتی ئەڤ یاسایە ژی پشت گوهـ هاڤێتیە و، لدەمێ بانگەشەیا هەلبژارتنان چەکی ب دیاری
بسەر وەلاتی و کەسایەتیان دا دابەش دکەن.
هەروەسا، دابەشکرنا چەکێ ژلایێ پارتی و یەکێتی بوویە مەترسی
و ئەگەرێ زێدەبوونا بوویەرێن تەقەکرنێ و کوشتنێ ل هەرێما کوردستانێ.
بڕیار نێروەی – دهۆک