PM:07:53:27/09/2024
1852 جار خوێندراوەتەوە
+
-
ئاژانسەکا عێراقێ بەلاڤکریە،
دەستپێکا حەفتیا بهێت بەغدا دێ تەمام کاریا مووچەیێ مەها هەشت هنێریت و دێ دەست ب
دابەشکرنا مووچەی هێتەکرن.
ئاژانسا "بغداد الیوم" راگەهاند، بەغدا سۆز
دایە کو ئێکشەمبییا حەفتیا داهاتی کوژمەکێ پارەی وەکو تەمام کاریا مووچەیێ مەها هەشت بۆ مووچەخۆرێن
هەرێمێ ڕەوانە بکات.
ئاماژە ب وێیەکێ ژیکر،
دگەل گەهشتنا پارەی، لیستا مووچەیێ مەها هەشت یا مووچەخۆرێن هەرێمێ دێ
هێتە بەلاڤکرن و دەست ب دابەشکرنا مووچەی دهێتە کرن.
بەحسا وێیەکێ ژیکر، بڕیارە د دەمێ سێ رۆژان دا مووچە
بسەر فەرمانبەران دا بهێتە دابەش کرن و چەند رۆژان دیڤدا دێ پارە بۆ مووچەیێ مەها
نەهـ هێتە ڕەوانەکرن.
ئەڤە د دەمەکی دایە، پشتی نووچەیا ئێن ئاڕ تی دەربارێ
پاشخستنا مووچەی ژلایێ یەکێتی و پارتی، دوهی پێنجشەمبی، حکومەتا ڕێڤەبرنا کارێن هەرێمێ
ب ڕێکا وەزارەتا دارایی راگەهاندنەک بەلاڤکر و راگەهاند، چاڤەڕێ دکەین حەفتا داهاتی
کوژمێەکێ دی یێ پارەی وەکو تەمام کاریا مووچەیێ مەها هەشت کو ٢٤٣ ملیا دینارە، ژلایێ
وەزارەتا داراییا عیراقێ بهێتە ڕەوانەکرن بۆ سەر هژمارا وەزارەتا داراییا هەرێمێ،
تا دەست ب دابەشکرنا مووچەی بهێتەکرن.