AM:09:50:27/09/2024
316 جار خوێندراوەتەوە
+
-
سەرۆک وەزیرێن عێراقێ پشکداری
د ٧٩ـیەمین رووینشتنا نەتەوەیێن هەڤگرتی دا کر ل نیویۆرک ل ئەمریکا و ڕاگەهاند،
عێراقێ د کڤانێ دەستوری دا بزاڤان دکەت پەیوەندیێن خۆ دگەل هەرێمێ دا بهێز بکەت و
د نها دا عێراق بەرهەڤیان بۆ هەلبژارتنا پەرلەمانێ هەرێمێ دکەت.
محەمەد شێاع سودانی سەرۆک
وەزیرێن عێراقێ پشکداری د ٧٩ـیەمین رووینشتنا نەتەوەیێن هەڤگرتی دا کر ل نیویۆرک ل
ئەمریکا و ڕاگەهاند، عێراقێ د کڤانێ دەستوری پەسەند کریێ سالا 2005ـێ دا مامەلەیان
دکەت و هەر لدویف وی دەستوری هەلبژاتنا جڤاتا پارێزگەهان ئەنجامدایە و نها د پرۆسەیا
بەرهەڤیان داینە بۆ هەلبژارتنا پەرلەمانێ هەرێمێ.
ئەو یەکژی بەرچاڤکر،
عێراق د کڤانێ دەستوری دا بزاڤان دکەت پەیوەندیێن خۆ دگەل هەرێمێ دا بهێز بکەت و
مافێ هەمی تەخ و چینێن ولاتی بدەت.
بەحسا وێ یەکێ ژی کر، دابینکرنا
دەرفەتێن کاری ، باشترکرنا خزمەتگوزاریان، بەرهەنگاربوونا گەندەلیێ و جێبەجێکرنا
پلانێن ئابووری کارێن سەرەکیێن حکومەتا عێراقێ نە و بزاڤا نویژەنکرنا ژێدەرێن
مرۆڤیێن پێدڤی دکەن، هەروەسا پێنگاڤێن مەزن هاڤێتینە بۆ ئاڤاکرنا سازیێن دەولەتێ و
سەپاندنا سەروەریا یاسایێ.
سودانی ڕاگەهاند ژی،
عێراق بزاڤان دکەت رۆلێ کەرتێ تایبەت د ولاتی دا چالاک بکەت و ژێدەرێن داهاتی
هەمەرەنگ بکەت و چاکسازیێ د کەرتێ بەنک و دارایی ژی دا بکەت.