PM:09:24:26/09/2024
440 جار خوێندراوەتەوە
+
-
پشتی نووچەیا ئێن ئاڕ تی دەربارێ پاشخستنا مووچەی ژلایێ یەکێتی و
پارتی ڤە، حکومەتا رێڤەبرنا کاران ب رێکا وەزارەتا دارایی زەلالکرنەک بەلاڤکر و
زانیاریێن ئێن ئاڕ تی پشتراست کرن و دبێژیت، مووچەی دابەش ناکەن، تا کوژمەیەکێ دی
یێ پارەی ژ بەغدا دهێت.
پشتی کو ئێن ئاڕ
تی زانیاری بەلاڤکرین دەربارێ وێیەکێ کو حکومەتا رێڤەبرنا کاران دابەشکرنا مووچەی ڕاگرتیە
و پارتی و یەکێتی بەرهەڤ نینن چ کۆژمەکێ ژ داهاتێ ناڤخۆ خەرج بکەن بۆ مووچەیێ
فەرمانبەران، حکومەتا رێڤەبرنا کاران ب رێکا وەزارەتا دارایی
ڤە زانیاریێن ئێن ئاڕ تی پشتراست کرن و ئاماژە ب وێیەکێ کر، تا بەغدا کۆژمەکێ دی
یێ پارەی بۆ وان نەهنێریت دەست ب دابەشکرنا مووچەیێ مووچەخۆران ناکەن.
د راگەهاندنا وەزارەتا
داراییا حکومەتا ڕێڤەبرنا کارێن هەرێمێ بەحسا وێیەکی ژی هاتییە کرن، چاڤەڕێ دکەین
حەفتا داهاتی کوژمێەکێ دی یێ پارەی وەکو تەمام کاریا مووچەیێ مەها هەشت کو ٢٤٣
ملیا دینارە، ژلایێ وەزارەتا داراییا عیراقێ بهێتە ڕەوانەکرن بۆ سەر هژمارا
وەزارەتا داراییا هەرێمێ، تا دەست ب دابەشکرنا مووچەی بهێتەکرن.
ئەڤە د دەمەکی دایە، شاندەکێ وەزارەتا داراییا حکومەتا ڕێڤەبرنا کارێن
هەرێمێ ل بەغدا لیستا مووچەیێ مەهێن هەشت و نەهـ یا مووچەخۆرێن هەرێمێ ڕادەستی
عێراقێ کریە، ئەڤەژی پشتی چێکرنا هەمی وان شاشیێن د لیستێ دا هەین.