PM:05:21:26/09/2024
524 جار خوێندراوەتەوە
+
-
سەرۆکێ لژنەیا دارایی ل پەرلەمانێ عێراقێ راگەهاند،
بەغدا پێگیرە ب هنارتنا مووچەیێ مووچەخۆرێن هەرێمێ.
ئەڤڕۆ پێنجشەمبی، عەتوان عەتوانی سەرۆكێ لژنەیا دارایی ل
پەرلەمانێ عێراقێ راگەهاند، حکومەتا عێراقێ پێگیرە ب هنارتنا مووچەیێ مووچەخۆرێن
هەرێمێ لیدف یاسایا بودجەی مووچە بهێتە خەرجکرن.
ئاماژە ب وێیەکێ ژیکر، پێدڤیە هەرێم پێنگاڤان بۆ
چارەسەرکرنا ئاریشەیان بهاڤێژیت و دڤێت مووچەیێ هەمی مووچەخۆران بهێتە ب بەنکیکرن.
هەڤدەم، ژێدەرەکێ هایدار بۆ ئێن ئاڕ تی ڕاگەهاند، هەرچەندە
حکومەتا رێڤەبرنا کاران ٧٥٥ ملیار دینارێن بەغدا و ٣٥٠ ملیار دینارێن داهاتێ ناڤخۆ
لبەردەستن، لێ دابەشکرنا مووچەیێ مەها هەشت بۆ دەمەکێ نە دیار پاشخست.
بەحسا وێیەکێ ژیکر، حکومەتا رێڤەبرنا کاران رادەستکرنا
داهاتێ ناڤخۆ ب بەغدا ڕەت کر و سەرۆکێ لژنا داراییا عێراقێ ژی دبێژیت، پێدڤیە هەرێم
٥٠٪ـێ یا داهاتێ ناڤخۆ رادەست بکەت.
ئەڤە ژی پشتی وێیەکێ دهێت، زێدەباری وێیەکێ کو بەحسا وێیەکێ
دهاتە کرن د ڤێ حەفتیێ دا مووچەیێ مەها هەشت دێ هێتە دابەشکرن، لێ بەری نها ئێن ئاڕ
تی ئەو یەک ئەشکراکر بوو کو پارتی و یەکێتی رێککەفتن کریە دا کو دابەشکرنا مووچەیێ
مەها هەشت بئێخنە دەستپێکا مەها ١٠ و وەکی بانگەشا هەلبژارتنا بکار بئینن.