PM:12:54:20/09/2024
60 جار خوێندراوەتەوە
+
-
وەزیرێن ڤەگوهاستنا
عێراقێ ڕاگەهاند، وان چەند بالەفڕێن هێلا ئەسمانیا عێراقێ تایبەت کرینە بۆ هاتن و
چوونا عومرەکاران ل عێراقێ بۆ سعودیا و بەروڤاژی ژی.
ئەڤرۆ ئەینی، رەزاق
محێبس وەزیرێ ڤەگوهاستنا عێراقێ ڕاگەهاند، د کڤانێ پلانێن وان دا بۆ ڤەگوهاستنا
عومرەکاران ل عێراقێ بۆ سعودیا و بەروڤاژی ژی وان چەند بالەفڕ ل هێلا ئەسمانیا
عێراقێ بۆ وێ پرۆسەیێ تەرخانکرینە.
ئەو یەکژی هاتیە
بەرچاڤکرن، کۆمپانیا هێلا ئەسمانیا عێراقێ دەستکریە ب ئەنجامدانا گەشتان بۆ
ڤەگوهاستنا عومرەکاران ل شانشینا سعودیا بۆ عێراقێ و د رۆژەکێ دا پێدڤیە چار گەهشت
بۆ سعودیا بهێنە ئەنجامدان.
ئاماژە ب وێ یەکێ ژی کر،
وان چەند بالەفڕێن جۆرێ دریملاینەر، بۆینگ ٧٣٧ و تریپل سێڤن
تەرخانکرینە بۆ گەشتا عومرەکاران و رۆژانە شیانا ڤەگوهاستنا 600 بۆ 800 کەسان هەنە.
ئەڤە د دەمەکی دایە، نێزیکی دوو هزار وەلاتیێن هەرێما کوردستانێ کو بۆ
عومرەیێ سەرەدانا سعودیا کربوون، ژبەر ئاریشەیان ل هێلا ئەسمانیا بالەفڕیا عێراقێ
بۆ دەمێ پێنج رۆژان ل سعودیا ئاسێ بوون.