PM:08:35:19/09/2024
140 جار خوێندراوەتەوە
+
-
ستیڤن بیتەر کونسولێ ئەمریکا ل هەولێر راگەهاند، داخازێ ژ وەلاتیێن
هەرێمێ دکەم پشکداریێ د هەلبژارتنا ٢٠ـی ئۆکتۆبەرێ یا پەرلەمانێ کوردستانێ دا بکەن.
کونسوڵی ئەمریکا ئاماژە ب وێیەکێ ژیکر، هەلبژارتنا ئازاد
و دادپەروەر بنچینەیا دیموکراسی و گەشەسەندنێ یە، ژبەرکو وەلاتییان پشت ڕاست دکەت
کو دشێن ب ڕێکا دەنگێن خۆ داهاتوویێ خۆ دروست بکەن.
ئەو یەکژی بەرچاڤکر، بڕیارە ل ٢٠ـی ئۆکتۆبەرا ئەڤسالە
هەلبژارتن ل هەرێما کوردستانێ بڕێڤەبچیت، ژبەرهندێ وەلاتیان هان ددەم پشکداریێ د
وێ پرۆسەیا دیموکراسی دا بکەن و دەنگی بدەن.
هەڤدەم، د رۆژا جیهانیا
دیموکراسیێ دا، ئالینا رۆمانۆوسکی بالیۆزا ئەمریکا ل عێراقێ راگەهاند، "بۆ
چەسپاندنا دیموکراسیێ داخازێ ژ وەلاتیێن هەرێمێ دکەم دەنگی بدەن".
ئەڤە د دەمەکی دایە، ل ٢٠ـی ئۆکتۆبەرا ئەڤسالە
هەلبژارتنا گەڕا شەشێ یا پەرلەمانێ کوردستانێ دهێتە ئەنجام دان، هەروەسا ب
درێژاهیا دیرۆکا حکومڕانیا هەرێمێ، ئەڤە ئێکەم هەلبژارتنە دەرڤەی حەزا پارتی و یەکێتی
و ب چاڤدێریا جڤاکا ناڤدەولەتی و ب سەرپەرشتیا کۆمسیۆنا عێڕاقێ بهێتە ئەنجام دان.