PM:06:23:19/09/2024
400 جار خوێندراوەتەوە
+
-
ل دهۆکێ پارتی موختارەک دەستەسەرکریە و دبن گڤاشتنان دا نەچار
کریە کو تۆهمەتان بۆ سەرۆکێ لیستا ڤەلڤینا نەوەی نوێ ل دهۆکێ دروست دکەت. لدیڤ زانیاریێن ئێن ئاڕ تی، پارتی گەف ل
هەمی موختارێن دی یێن دهۆکێ کرینە کو نڤیسارا پشتگیریا ئاکنجیبوونێ بۆ بەربژێرێن
نەوەی نوێ نەکەن.
ئەڤڕۆ پێنجشەمبی، پارتی موختارێ تاخێ ماسیکێ ل دهۆکێ
دەستەسەرکریە و دبن گڤاشتنان دا نەچار کریە تۆهمەتان بۆ سیپان ئامێدی سەرۆکێ لیستا
ڤەلڤینا نەوەی نوێ ل دهۆکێ دروست بکەت.
هەڤدەم، پارتی موختارێن هەمی تاخێن دی یێن دهۆکێ هایدار
کرینە ب چ ڕەنگەکی نابیت نڤیسارا پشتگیریا ئاکنجیبوونێ بۆ بەربژێرێن نەوەی نوێ ل
دهۆکێ بکەن، ژ ئەگەرێ پێگیرنەبوونا موختاران دێ ب توندی هێنە سزادان.
دروستکرنا تۆهمەتان بۆ بەربژێرێن نەوەی نوێ و گەف کرن ژ
موختاران ل دهۆکێ ژلایێ پارتی، ترسا پارتی یە ژ کێمبوونا
دەنگێن وێ ل سنورێ دهۆکێ و زێدەبوونا جەماوەرێ نەوەی نوێ ل سنورێ دهۆکێ.
ل بازنەیا دهۆکێ نەوەی نوێ ب ١٥ بەربژێران دێ پشکداری د هەلبژارتنا ٢٠ـی ئۆکتۆبەرێ یا پەرلەمانێ
هەرێما کوردستانێ دا کەت .
ئەڤە د دەمەکی دایە، پێشتر مەلا شڤان سەعید بەربژێرێ نەوەی
نوێ بۆ هەلبژارتنا گەرا شەشێ یا پەرلەمانێ کوردستانێ ژبەرکو زیندانیێ بەهدینان بوو
و هاتبوو حکوم کرن، لسەر سکالایا وەزیرێ ناڤخۆیێ هەرێمێ کو پارتی یە نڤیسار بۆ کۆمسیۆنێ
کربوو ژ بەربژێربوونێ هاتە دویرئێخستن.
لێ پشترا ڤەلڤینا نەوەی نوێ ل دادگەها فیدرالی تانە ل وێ
بڕیارێ دا، لدویف وێ یەکێ مەلا شڤان لسەر قوتێ خەلکی و پشکداری د خۆنیشاندانان دا
هاتیە دەستەسەرکرن نەکو تاوانەکا مەزن کربیت، ل ١٢ـی ڤێ مەهێ، دەستهەلاتا دادوەریا عێراقێ بڕیاردا مەلا شڤان زێندانیێ
بەهدینان و بەربژێرێ نەوەی نوێ دشیت پشکداریێ د هەلبژارتنێ دا بکەت.