PM:11:35:18/09/2024
508 جار خوێندراوەتەوە
+
-
شێوەرمەندێ
سیاسیێ سودای بۆ ئێن ئاڕ تی راگەهاند، ڕێککەفتن هاتیە کرن هەرێم لیستا مووچەی ب دروستی
بنێریت، بەغدا ژی تا داویا ئەڤسالە هەمی مەهان دێ پارەیێ مووچەی بۆ هەرێمێ ڕەوانەکەت.
سەبهان جیهان ڕاوێشکارێ سیاسیێ سودانی
د بەرنامێ تاوتوێ دا ل ئێن ئاڕ تی راگەهاند، ئەگەر هەرێم ئاریشەیێ بۆ لیستا مووچەی
دروست نەکەت، تا داویا ٢٠٢٤ بێ ئاریشە بەغدا دێ پارەی بۆ مووچەیێ مووچەخۆرێن
هەرێمێ هنێریت.
بەحسا
وێیەکێ ژیکر، بەغدا دڤێت مووچەیێ مووچەخۆرێن هەرێمێ بهێتە ب بەنکیکرن، ژبەرکو ئەڤە
باشترین ڕێکە بۆ دابەشکرنا مووچەیێ مووچەخۆرێن هەرێمێ د دەمێ خودا.
دەربارێ
سەرەدانا شاندێ لژنەیا داراییا پەرلەمانێ عێراقێ بۆ هەرێمێ راگەهاند، تەوەرێ
سەرەکی دێ مووچە بیت، لێ چەند بابەتێن دی ژی گووتۆبێژ دێ لسەر هێنە کرن.
ئەڤە د
دەمەکی دایە، لدیڤ زانیاریێن ئێن ئاڕ تی، وەزارەتا داراییا عێراقێ دەست ب
دابینکرنا مووچەیێ مەها نەهـ کریە و هێشتا لیستا مووچەیێ مەها هەشت نەگەهشتییە،
حکومەتا ڕێڤەبرنا کارێن هەرێمێ دوو حەفتییە ب مەرەم هنارتنا لیستا مووچەی گیروکریە
و دڤێت لدەمێ بانگەشەیا هەلبژارتنێ داخازا دوو مووچەیان بکەت.