PM:09:28:18/09/2024
296 جار خوێندراوەتەوە
+
-
زێدەباری بڕیارا حکومەتا عێراقێ بۆ قەدەغەکرنا هاوردەکرنا تەماتا،
ژێدەرەکی بۆ ئێن ئاڕ تی راگەهاند، بەرپرسێن یەکێتی ب قاچاغ ل دەرازینکا پەروێزخان تەماتا
ب قاچاغ هاوردەی هەرێما کوردستانێ دکەن و بۆ هەر بارەکی ٦ هزار دۆلاران وەردگرن.
لدیڤ زانیاریان،
شەڤا بووری شەش بارهەلگرێن تەماتا ل دەرازینا پەروێزخان هاتیەنە ناڤ هەرێمێ و هەر
بارهەلگرەکێ شەش هزار دۆلار ژێ هاتینە وەرگرتن، ئەڤەژی بوویە جهێ نەڕازیبوونا
جووتیارێن دەڤەرا پێنجوێن.
دەربارێ ڤی بابەتی، ڕێڤەبەریا دەرازینکا ناڤدەولەتیا پەروێخان
راگەهاند، ڕەت دکەن کو ل دەرازینکا پەروێزخان بارێ تەماتا هاتبیتە ناڤ هەرێما
کوردستانێ و ب هەمی ئاوایەکی پێگیرین ب ڕێنمایێن وەزارەتا چاندنێ، ژبەر هندێ لدیڤ
ڕێنمایێن وەزارەتا چاندنێ ڕێک ب بارێ تەماتا نەهاتیە دان ل دەرازینکێ بهێنە ناڤ
هەرێما کوردستانێ.
ئەڤە د دەمەکی دایە، وەزارەتا چاندنا عێراقێ هاوردەکرنا تەماتا ل
دەرڤەی عێراقێ قەدەغەکریە، تا بەرهەمێ ناڤخۆ بهێنە فرۆتن، لێ لدیڤ زانیاریان زێدەباری
بڕیارا حکومەتا عێراقێ بۆ قەدەغەکرنا هاوردەکرنا بەرهەمێ تەماتا بەرپرسێن یەکێتی ل
دەرازینکا پەروێزخان ڕێک ب هاتنا ناڤا بەرهەمێ تەماتا ددەن ڤێ یەکێ ژی کاریگەری
لسەر بەرهەمێ ناڤخۆ کریە.