PM:08:52:18/09/2024
44 جار خوێندراوەتەوە
+
-
سەرۆک ئەرکانێ سوپایێ عێراقێ راگەهاند، ڤان نیزیکان دەمێ ڤەکێشانا ئەمریکا
ل عێراقێ دێ راگەهینین. هەڤدەم، سەرۆک وەزیرێن عێراقێ ژی دبێژیت، "ئێدی عێراق
عێراقا ٢٠١٤ـی نینە و مەترسی لسەر نینە، چ هێجەتەک نەمایە تا هێزێن ئەمریکا و
هەڤپەیمانان بمینن".
ئەڤڕۆ چارشەمبی،
عەبدولئەمیر یاروڵڵا سەرۆک ئەرکانێ سوپایێ عێراقێ راگەهاند، سەرۆک
وەزیرێن عێراقێ هایدارکرینە کو بەرهەڤی بهێنە کرن تا سوپا ب ڕێکا سیستەمەکێ
پێشکەفتی بەرەڤانیا ئەسمانی پارێزگاریێ ل ئەسمانێ عێراقێ بکەت، ئەڤەژی وەکو بەرهەڤیەک
ژبووی ڤەکێشانا هێزێن هەڤپەیمانان.
هەڤدەم، دوهی سێشەمبی، محەممەد شیاع سودانی سەرۆک وەزیرێن عێراقێ
راگەهاند، "ڤان نێزیکانە دێ دویماهیک ئینانا ئەرکێ هێزێن هەڤپەیمانان ل عێراقێ
دێ راگەهینین".
ئەو یەکژی بەرچاڤکر، ئێدی عێراق عێراقا ٢٠١٤ـی نینە و مەترسی لسەر
نینە، چ هێجەتەک نەمایە تا هێزێن ئەمریکا و هەڤپەیمانان بمینن.
بەحسا وێیەکێ ژیکر، گووتۆبێژێن ئاشکرا دگەل هەڤپەیمانان دەستپێکرینە و
لژنەیەکا دوو ئالی پێکئینایە، ئەڤەژی ب مەرەما بەرهەڤیان بۆ ڤەکێشانا هێزێن
هەڤپەیمانان.
گوت ژی، ئەڤە ب ڕامانا دویماهیک ئیننا پەیوەندیێن ناڤبەرا عێراقێ و
ئەمریکا ناهێت، بەلکو دێ پەیوەندیێن دیبلۆماسی و سیاسی یێن ناڤبەرا هەردوو ولاتان
دێ بەردەوام بن.