PM:12:35:18/09/2024
396 جار خوێندراوەتەوە
+
-
سەرۆکێ دەستەیا پاراستن و چێکرنا ژینگەها هەرێمێ
رێنمایێن هەلبژارتنێ ئەشکراکرن و ڕاگەهاندیە، پێدڤیە تاک و ئالی و قەوارەیێن سیاسی
ل دەمێ هەوا هەلبژارتنێ دا پێگری هەمی رێنمایان بن.
ئاماژە ب وێ یەکێ ژی کر، ئەگەر هەر تاک و ئالی و
قەوارەیەک پێگری رێنمایێن هەلبژارتنێ نەبیت دێ هێتە سزادان.
دقێ رێنمایان:
- لافیتە و نڤیسین لسەر قوماش و کاغەزی بن نەک لسەر
فلێکس و نایلۆنی، ژبەرکو ب ساناهی ناهێنە شلۆڤەکرن و زەرەرێ دگەهینە زیندەواران و
روەکی و ئاخێ.
- پۆستەر ب بکارئینانا "تیپی" بهێنە هەلواسین
نەک سیکۆتینێ، هەروەسا بزمار نەهێنە بکارئینان بۆ هەلاویستنا پۆستەران ب داران ڤە،
نابیت ژی ب لافیتەیان دار بهێنە داپۆشین ژبەرکو زەرەرێ دگەهینتێ و کاریگەریێ لسەر
دروست دکەت.
- پێدڤیە ل دەمێ هەلاویستنا پۆستەران ژینگەهـ بەرچاڤ
بهێتە وەرگرتن و ب ئاوایەکی نەهێنە هەلواسین ژینگەها دیتنێ و چاڤی تێکددەن.
- زێدەگاڤی نەهێتەکرن ژ بکارئینانا کارتۆن و کاغەزان دا،
ژبەرکو بەرهەمئینانا وان ژ بڕینا دارانە و دبیتە سەدەمێ زەرەر گەهاندن ب داران.
- پێدڤیە ماددەیێ پلاستیکی و نایلۆنی ب دەنگدەران
نەهێتەدان وەکی بانگەشە، ل دەمێ خرڤەبوونا پشتەڤانان ژی دڤێت پشتەڤانێن هەمان لیست
پشترا بەرمایکێن وێ خرڤەبوونێ ب تەمامی پاقژ بکەن، ژبەرکو بجهـ هێلانا بەرمایکان زەرەرێ
دگەهینتە ژینگەهێ.
- نابیت پارکێن گشتی و باخچەیێن تاخان بۆ بانگەسەیێ
بهێنە بکارئینان.
- دشێن مفای ژ شاشەیێن مەزنێن ئەلیکترۆنی وەربگرن بۆ
بانگەشەیێ ل جهێن گونجای.
- پێدڤیە کۆمسیۆن ب بەردەوامی حزبان هایدار بکەت ژ وان
سزایێن دارایی کو رویبروویێ وان دبیت ئەگەر سەرپێچیا ژینگەهـ و باژێرڤانیێ بکەن.
- پشتەڤانیکرنا لیستان بۆ زێدە بکارئینانا تۆرێن جڤاکی و
سایت و روپەلێن سۆشیال میدیایێ د هەوا هەلبژارتنێ دا.
- پێدڤیە کۆمسیۆن ناڤێ وان ئالیان ئەشکرا بکەت کو پێگری
یاسا و رێنمایێن ژینگەهێ نابن.
- بکارنەئینانا سماعەیێن دەنگ بلندکرنێ ل دەمێ کۆمبوونا
پشتەڤانان.
- کۆمسیۆن هەڤبەند و هاریکار بیت دگەل رێکخراوێن ژینگەهی
بۆ دیڤچوون لسەر بنپێکاریێن ژینگەهی.
- کۆمسیۆن ب هاریکاریا میدیایان بزاڤان بکەت بۆ پاراستنا
بابەتێن ژینگەهی.