AM:11:14:18/09/2024
676 جار خوێندراوەتەوە
+
-
سەقاناسیا عێراقێ
ڕاگەهاند، ژ سوبەهی ڤە باران بارین ب ئاوایێ ناڤبەین ناڤبەین ل چەند دەڤەرێن جودا دێ
دەستپێکەت.
سەقاناسیا عێراقێ
ڕاگەهاند، سوبەهی پێنجشەمبیێ ل دەڤەرێن ناڤەراستا عێراقێ و هەرێما کوردستانێ
ئەسمان ساهی و نیڤ عەور دبیت و ئەگەرێ باران بارینێ هەیە، هەروەسا پلەیێن گەرمێ
کێمەکێ دێ هێنە خار.
ئەو یەکژی بەرچاڤکر،
رۆژا ئەینیێ ئەسمان ب هەمان ئاوا عەور و نیڤ عەور دبیت ل دەڤەرێن جودایێن هەرێمێ
ژی باران ب ئاوایێ ناڤبەین ناڤبەین دێ باریت، هندەک دەمان ژی لەزاتیا بای زێدە
دبیت.
ئەڤە د دەمەکی دایە، دوو
رۆژان بەری نها دیلان رەشاد پەیڤدارێ وەزارەتا ڤەگوهاستن و گەهاندنا سەر ب حکومەتا
رێڤەبرنا کاران بۆ ئێن ئاڕ تی ڕاگەهاند، د داویا ڤێ حەفتیێ دا ئێکەم باران بارینا
پایزێ دێ دەستپێکەت و دوو رۆژان ب ئاوایێ ناڤبەین ناڤبەین بەردەوام دبیت.