PM:11:04:17/09/2024
928 جار خوێندراوەتەوە
+
-
دەمەکی بەریا نها ل تاخێ بەڕۆشکێ ل دهۆکێ شەڕە تەقە
دناڤبەرا چەند کەسان دا دروستبوو.
نووچەگەهانێ ئێن ئاڕ تی راگەهاند، ل تاخێ بەڕۆشکێ ل دهۆکێ
شەڕە تەقە دناڤبەرا چەند کەسان دا دروستبوو، لێ دڤێ بوویەرا تەقەکرنێ دا زیانێن گیانی نینە.
ئاماژە ب وێیەکێ ژیکر، شەڕە تەقە دناڤبەرا مام و
برازایان دا دروستبوویە کو د بنەرەتدا خەلکێ شنگالێ نە، لێ نها ئاکنجیێن پارێزگەها
دهۆکێ نە.
بەحسا وێیەکێ ژیکر، بوویەر ژبەر ئاریشەیەکا جڤاکی دروستبوویە و پۆلیس گەهشتینە جهێ بوویەرێ و ڕەوش
هاتیە کۆنترۆلکرن و سێ کەس هاتینە دەستەسەرکرن.
ئەڤ بوویەرا تەقەکرنێ ل دهۆکێ د دەمەکی دایە، د ٢٤ دەمژمێرێن بووری دا ئەڤە سێیەم
بوویەرا تەقەکرنێ یە ل دهۆکێ رووددەت، د ئەنجام دا کەسەک برینداربوویە و کەسەکێ دی
ب ناڤێ "عمران عەلی" تەمەن ٢٧ سالی ژیانا خۆ ژ دەستدایە.
زۆربوونا حالەتێن کوشتن و تەقەکرنێ ب چەکێ بێ مۆهلەت د
دەمەکی دایە، د ئێکەم گەڕا پەرلەمانێ کوردستانێ دا ل سالا ١٩٩٢، پەرلەمانێ
یاسایا قەدەغەکرنا چەکێ بێ مۆهلەت پەسەندکر. هەڤدەم، جێبەجێکرنا یاسایا قەدەغەکرنا
چەکێ بێ مۆهلەت ئەرکێ وەزارەتا ناڤخۆیە، لێ هەڤئاوایێ هەمی یاسایێن دی یێن ل
پەرلەمانێ دەرچووی، پارتی و یەکێتی ئەڤ یاسایە ژی پشت گوهـ هاڤێتیە و، لدەمێ
بانگەشەیا هەلبژارتنان چەکی ب دیاری بسەر وەلاتی و کەسایەتیان دا دابەش دکەن.
هەڤدەم، دابەشکرنا چەکێ ژلایێ پارتی و یەکێتی بوویە
مەترسی و ئەگەرێ زێدەبوونا بوویەرێن تەقەکرنێ و کوشتنێ ل هەرێما کوردستانێ.
تائیف گۆران - دهۆک