PM:09:04:16/09/2024
88 جار خوێندراوەتەوە
+
-
وەزارەتا کۆچ
و کۆچبەرێن عێراقێ راگەهاند، 235 خێزانێن ئاوارە ل کەمپێن هەرێمێ ڤەگەریانا جهێن
خۆ، دبێژیت ژی، کوژمێ چار ملیۆن دیناران ب وان خێزانان هاتیە دان.
ئەڤرۆ دووشەمبی،
وەزارەتا کۆچ و کۆچبەرێن عێراقێ راگەهاند، 235 خێزانێن ئاوارە ل کەمپێن هەرێمێ ڤەگەریانا
جهێن خۆ ل شنگال و نەینەوا.
ئەو یەکژی
بەرچاڤکر، کوژمێ چار ملیۆن دینار وەک هەڤکاری و هاندان ب وان خێزانان هاتیە دان و
هەر خێزانەک ژی ڤەگەریت دێ وێ هەڤکاریێ وەرگریت.
حەفتیا
دەربازبووی ژی، وەزارەتا کۆچ و کۆچبەرێن عێراقێ بەلاڤکربوو، 164 ئاوارە ل کەمپا
بەحرکە ل سنورێ هەولێرێ ڤەگەریانا دەڤەرێن خۆ ل سەلاحەدین و نەینەوا.
ئەڤە د دەمەکی
دایە، رۆژا 11ـێ تەمموزا ئەڤسالە، وەزارەتا کۆچ و کۆچبەرێن عێراقێ ڕاگەهاندبوو،
هەمی ئاوارەیێن دناڤ کەمپان دا ل سنورێ سلێمانیێ ڤەگەریاینە جهێن خۆ و چ کەمپ ل
سنورێ سلێمانیێ نەماینە، بتنێ ل سنورێ هەولێر و دهۆکێ ماینە.