PM:01:21:16/09/2024
604 جار خوێندراوەتەوە
+
-
دەستهەلاتا دادوەریا عێراقێ تانەیەکا دی یا نەوەی نوێ قەبیل کر و
بڕیار دا کو هەمی سندوقێن دەنگدانێ و لبەر چاڤێن نوێنەرێن ئالیێن سیاسی ژبلی هژمارتنا
ئەلیکترۆنی، هژمارتنا دەستی بۆ بهێتە کرن.
ئەڤرۆ دووشەمبی، دەستهەلاتا
دادوەریا عێراقێ لسەر داخازا نەوەی نوێ بڕیار دا سندوقێن دەنگدانێ دناڤ بنگەهێن
دەنگدانێ دا ژبلی هژمارتنا ئەلیکترۆنی، لبەر چاڤێن نوێنەرێن لایەنێن سیاسی هژمارتنا
دەستی ژی بۆ بهێتە کرن.
هەڤدەم، لدویف وێ بڕیارێ،
چ سندوقەک ناهێتە ڤەگۆهاستن هەتا هژمارتنا دەستی بۆ نەهێتە کرن و قەدەغەیە مۆبایلێ
ببەنە ژوور و وێنەگرتنا دەنگدانێ ژی قەدەغەیە.
دڤێت ل رۆژا دەنگدانا
تایبەت ژی دا، پشتی تەمامبوونا دەنگدانێ، سندوق بهێنە ڤەکرن و دەنگ بهێنە هژمارتن لهەمبەر
نۆینەرێن لایەنێن سیاسی.
ئەڤە ژی د دەمەکێدایە، ل
٢٠ـی ئۆکتۆبەرێ هەلبژارتنا گەڕا شەشێ یا پەرلامانێ کوردستانێ دێ ب سەرپەرشتیا کۆمسیۆنا
عێراقێ و دبن چاڤدێریا جڤاکا ناڤدەولەتی بڕیڤەدچیت.
ئەو هەلبژارتنە ژی دێ
بیتە ئێکەمین هەلبژارتن د دیرۆکا هەرێما کوردستانێ دا کو دبن گڤاشتنێن ناڤدەولەتی دا
دویر ژ ڤیانا پارتی و یەکێتی برێڤە بچیت.
