شاسوار عەبدولواحید: کارنامەیێ نەوەی نوێ بۆ هەلبژارتنا پەرلەمانێ کوردستانێ ئاشکراکر

PM:10:17:07/09/2024

68 جار خوێندراوەتەوە

+ -

سەرۆکێ ڤەلڤینا نەوەی نوێ کارنامەیێ نەوەی نوێ بۆ هەلبژارتنا گەڕا شەشێ یا پەرلەمانێ کوردستانێ ئاشکراکر و راگەهاند، ئەگەر نەوەی نوێ د هەلبژارتا پەرلەمانێ کوردستانێ دا ببیتە هێزا ئێکێ و سەرۆک وەزیرێ حکومەتێ نەوەی نوێ بیت د دوو مەهان دا دێ پرۆسەیا تەوتینا مووچەی ئەنجام دەین.

شاسوار عەبدولواحید سەرۆکێ ڤەلڤینا نەوەی نوێ راگەهاند، ئەگەر نەوەی نوێ د هەلبژارتنا ٢٠ـی ئۆکتۆبەرێ پرانیا دەنگان بدەست ڤەبینیت و ببیتە هێزا ئێکێ، ئێکەم کار ئەنجام بدەت ڕێککەفتنە دگەل بەغدا ژبووی چارەسەرکرنا ئاریشەیا مووچەیێ مووچەخۆرێن هەرێمێ.

ئاماژە ب وێیەکێ ژیدا، ئەگەر سەرۆکێ کابینەیا دەهێ نەوەی نوێ بیت، پشتی دوو مەهان ژ دەستبکاربوونێ پرۆسەیا تەوتینا مووچەی دێ جێبەجێکەین.

بەحسا وێیەکێ ژیکر، نەوەی نوێ پلان هەیە بۆ ئێکخستنا هێزێن پێشمەرگەی، کو ژ هێزەکا حزبی بگۆهڕیت بۆ هێزەکا نیشتیمانی، هەروەسا وەکهەڤکرنا مووچەیێ پێشمەرگەی ژ ٥٠٠ هزار دیناران بۆ سەردای ئێک ملیۆن دیناران دگەل دابینکرنا جلوبەرگ و پێدڤیێن سەربازی.

ئاماژە ب وێیەکێ ژیدا، حکومەتا عێراقێ داخاز ژ حکومەتا ڕێڤەبرنا کارێن هەرێمێ کریە کو دەرمانان ژبووی نەخۆشخانەیێن هەرێمێ وەربگرن، لێ یەکێتی و پارتی بەرهەڤ نینە وەربگرن ژبەرکو ئەگەر وان دەرمانان وەربگرن دەرمانێن نەخۆشخانەیێن وان یێن تایبەت ناهێنە فرۆتن، لێ ئەگەر حکومەت بدەست نەوەی نوێ بیت، دێ باشترین دەرمان و پێدڤیێن نەخۆشخانەیان بۆ وەلاتیێن هەرێمێ دابین کەین.

دبێژیت ژی، نەوەی نوێ پلانێن گونجای هەنە ژبووی چارسەرکرنا هەمی ئاریشەیان د هەمی بیاڤان دا کو پارتی و یەکێتی بسەر ڤی مللەتی دا ئینای.

سەرۆکێ ڤەلڤینا نەوەی نەوەی گوت ژی، هەلبژارتنا ٢٠١٨ نێزکی دوو ملیۆن وەلاتیێن هەرێمێ بایکۆتا هەلبژارتنێ کر، دەرئەنجام ژی ئەڤەبوو پارتی و یەکێتی پرانیا کورسیێن پەرلەمانێ بدەست ڤەبینین و نها وەلاتیێن ئێخستینە ڤێ ڕەوشا خراب. دبێژیت ژی، هەلبژارتنا ٢٠ـی ئۆکتۆبەرێ دویماهی دەرفەتە لبسەر دەستێ وەلاتیێن هەرێمێ ژبووی گۆهڕینا ڤێ ڕەوشا خراب.

سەرۆکێ ڤەلڤینا نەوەی نوێ راگەهاند ژی، ئەگەر پارتی و یەکێتی دڤێ هەلبژارتنێ دا دەربچن تشتەک نامینیت ب ناڤێ مووچەی و دامەزراندن، ڕەوش ژ نها گەلەک خرابتر لێ دهێت، ژبەر هندێ داخازێ ژ وەلاتیێن مەدەنی و سەربازی دکەم بێ ترس پشکداریێ د هەلبژارتا ٢٠ـی ئۆکتۆبەرێ یا پەرلەمانێ کوردستانێ دا بکەن، ژبەرکو جڤاکا ناڤدەولەتی چاڤدێرا هەلبژارتنێ دکەت و کۆمسیۆنا عێڕاقێ هەلبژارتنێ بڕێڤەدبەی، پارتی و یەکێتی ب چ رەنگەکی شیانێن ساختەکاریێ نینە و چ کەسەک نزانیت کا کێ دەنگ ب چ بەربژێر حزبەکێ دایە.