PM:01:04:07/09/2024
104 جار خوێندراوەتەوە
+
-
وەزیرێ داراییا حکومەتا
رێڤەبرنا کارێن هەرێمێ، تا داویا ئەڤسالە ب تەمامی لیستا مووچەی پاقژ دبیتەڤە و
مووچە بێ گیروبوون دێ بۆ هەرێمێ هێتە هنارتن.
ئاوات جەناب، وەزیرێ
داراییا حکومەتا رێڤەبرنا کارێن هەرێمێ د داخویانیەکێ دا راگەهاند، ب دوویر نزانین
تا سەرێ سالێ ٩٥٪ یا ئەو ئاریشەیێن هونەری و تەکنیکیێن گرێدایی مووچەی نە، بهێنە
چارەسەرکرن.
ئەو یەکژی بەرچاڤکر،
محەمەد شیاع سودانی سەرۆک وەزیرێن عێراقێ تێگەهشتنەکا باش بۆ چارەسەرکرنا ئاریشەیا
مووچەی هەیە.
ئەڤە د دەمەکی دایە، ژ
دەستپێکا ئەڤسالە ڤە بەردەوام بەرپرسێن حکومەتا رێڤەبرنا کارێن هەرێمێ بەحسا وێ
یەکێ دکەن کو ئاریشەیا مووچەی ب ئێکجاری دێ هێتە چارەسەرکرن، ل مەها نیسانا
ئەڤسالە سەرۆکێ حکومەتا رێڤەبرنا کارێن هەرێمێ بەحسا وێ یەکێ کر، شیان چارەسەریەکێ
بۆ ئاریشەیا خەرجیا مووچەیێ فەرمانبەران و مووچەخۆرێن هەرێمێ ببینن، لێ تا نها
ئاریشەیا مووچەی چارەسەر نەبوویە و مووچەخۆر ب دوو مەهان جارەکێ مووچەی وەردگرن.