AM:09:48:07/09/2024
384 جار خوێندراوەتەوە
+
-
وەزارەتا دەرڤەیا عێراقێ
ڕاگەهاند، ئەڤرۆ شاندێ ئابووریا عێڕاقێ دگەل کۆمەکا بەرپرسێن
عێراقێ دا بۆ جڤینێ دگەل هەرێمێ دەربارەی داوی ئینان ب ئاریشەیا مووچە، بودجە، خەرجی،
داهات و باجێ دێ سەرەدانا هەرێمێ کەن، لدویف زانیاریان ژی وەزیرا داراییا عێڕاقێ
پشکدار دبیت د وێ جڤینێ دا.
وەزارەتا دەرڤەیا عێراقێ
ڕاگەهاند، شەمبیێ شاندێ جڤاتا ئابوریا عێراقێ دگەل هژمارەکا
بەرپرسێن عێراقێ سەرەدانا هەرێما کوردستانێ بکەن و دگەل مەسرور بارزانی سەرۆکێ
حکومەتا رێڤەبرنا کاران و ستافێ حکومەتا رێڤەبرنا کاران بجڤن.
لدویف زانیاریان، تەیف
سامی وەزیرا داراییا عێراقێ پشکدار دبیت ل وێ جڤینێ و گوتوبێژان دکەن دەربارەی
داوی ئینان ب ئاریشەیا مووچە، بودجە، خەرجی، داهات و باجێ.
بەری نها ئێن ئاڕ تی ئەو
یەک زانی بوو، کو بڕیارە جڤینەکا بەرفرەهـ ب رکا دروستکرنا جڤاتا ئابووریا هەرێم و
عێراقێ برێڤەبچیت و تێدا بەحسا هەمی پرسێن مووچە و بودجە و داهات و خەرجیان
بهێتەکرن.
جڤاتا ئابووریا هەرێمێ
بڕیارە ژ هەر ئێک ژ سەرۆک و جێگر حکومەتا رێڤەبرنا کاران و وەزیرێن دارایی و
ئابووری، بازرگانی و پیشەسازی، پلاندانان، ڤەگوهاستن و گەهاندن، چاندنێ یێ حکومەتا
رێڤەبرنا کاران پێکبهێت.
لهەمبەر هنارتنا پارەی
بۆ هەرێمێ، بەغدا هژمارەکا مەرج و داخازیان هەنە:
١. مەرجێ
سەرەکیێ بەغدا ل هەرێمێ جێبەجێکرنا ب بەنکیکرنا مووچەیێ مووچەخۆرێن هەرێمێ یە ل
بەنکێن فیدرال ل بەغدا.
٢.پێدڤیە هەرێم نیڤا
داهاتێ ناڤخۆ ڕادەستی بەغدا بکەت، کو بەغدا داخاز کریە هەرێم هەمی مەهان کۆژمێ ١٦٠
بۆ ١٧٠ ملیار دیناران بێی گیروبوون ڕادەستی بەغدا بکەت.
٣. بەغدا داخاز ژ شاندێ
هەرێمێ کریە، پۆختەیا ڕاژەیا هەمی فەرمانبەرێن هەرێمێ ڕادەستی وەزارەتا داراییا
عێراقێ و بەنکێن فیدرالی بکەت.
٤. پێدڤیە هەرێم هەمی
وان قەرێن ل بەغدا کرین بدەت کو نیزیکی ١٤ تڕلیۆن دیناران دکەت.
٥. پێدڤیە حکومەتا
ڕێڤەبرنا کارێن هەرێمێ لیستا مووچەیێ هێزێن ئەولەهیێ و مەدەنی ڕیکبێخیت، هەر
ناڤەکێ زێدە یان کێم د لیستێ دا، پێدڤیە ححومەتا عێراقێ وەزارەتا دارایی بهێە
هایدارکرن.