PM:06:17:27/07/2024
428 جار خوێندراوەتەوە
+
-
پەیڤدارێ کۆمسیۆنا بلندا
سەربەخۆیا هەلبژارتنێن عێراقێ بۆ ئێن ئاڕ تی راگەهاند، د ناڤەڕاستا مەها ئاب دا
جارەکا دی دێ تیرۆپشک بۆ پێدانا ژمارەیان ب هەڤپەیمانی و حزب و لیست و بەربژێرێن
سەربەخۆ هێتە ئەنجام دان.
ئەڤڕۆ شەمبی، جومانە غەلای پەیڤدارێ کۆمسیۆنا بلندا سەربەخۆیا هەلبژارتنێن عێراقێ
بۆ ئێن ئاڕ تی راگەهاند، کۆمسیۆنێ جارەکا دی د ناڤەڕاستا مەها ئاب دا، دێ تیرۆپشکێ
بۆ پێدانا ژمارێ ب هەڤپەیمان و حزب و لیست و بەربژێرێن سەربەخۆ دێ ئەنجام دەت.
ئاماژە ب وێیەکێ ژیکر، ب
مەرەما ب ڕێڤەچوونا پرۆسێ، لژنەیەکا هونەری ب سەرپەرشتیا بەرپرسێ ئیداریێ
هەلبژارتنێن عێراقێ کو ژ کۆمسیۆنێ هاتیە پێکئینان و د نهادا کۆمسیۆن مژیلی
هویربینیێ یە بۆ ناڤێ وان بەربژێران یێن خۆ تۆمارکرین بۆ پشکداریکرنێ د هەلبژارتنا
گەڕا شەشێ یا پەرلەمانێ کوردستانێ.
بەحسا وێیەکێ ژیکر، هەر
بەربژێرەکی مەرجێن کۆمسیۆنێ تێدا نەبن دێ هێتە دیورئێخستن ژ پرۆسا هەلبژارتنێ و تا
هەلبژارتن ب داوی نەهێت ناهێتە زانین هژمارا تەمام کا بەربژێران چەندە، ژبەر هندێ
دەمێ ئاشکرنا کرنا ناڤ و ژمارەیا بەربژێران دێ ئێخنە پێش چەند رۆژێن بەری ئەنجام
دانا تیرۆپشکێ.
ئەو یەکژی بەرچاڤکر، ب
مەرەما ب ڕێڤەچوونا هەلبژارتنا گەڕا شەشێ یا پەرلەمانێ کوردستانێ، کۆمسیۆن ب ڕێکا
نڤیسینگەهێن خۆ ل هەمی پارێزگەهێن هەرێمێ دێ خولەکێ دەربارێ چەوانیا بڕێڤەبرنا
پرۆسێ و ب کارئینانا ئامیرێن دەنگدانێ و پێدانا ڕێنمایان ب دەنگدەران لسەر کاغەزێن
دەنگدانێ بۆ فەرمانبەران.
جومانە غەلای گوت ژی،
"ژلایێ هوونەری ڤە بەردەوامین ژ بزاڤان بۆ بڕێڤەچوونا هەلبژارتنا پەرلەمانێ
کوردستانێ د دەمێ خودا، بۆ ڤێ مەرەمێ ژی دەرگەهێ سەرپەرشتیکرنا هەلبژارتنێ بۆ
ڕێکخراوێن ناڤدەولەتی ڤەکریە".
ئەڤە د دەمەکی دایە، هەلبژارتنا ئەڤجارە یا پەرلەمانێ
کوردستانێ کو بڕیارە ژ ٢٠ـی ئۆکتۆبەرا ئەڤسالە بڕێڤەبچیت، ئەڤەژی جوداترین
هەلبژارتنە د دیرۆکا هەرێمێ دا، ژبەرکو ئەڤە ئێکەمین هەلبژارتنە ب گڤاشتنێن
ناڤدەولەتی و دەرڤەی حەزا پارتی و یەکێتی، بسەرپەرشتیا کۆمسیۆنا عێراقێ و د بن
چاڤدێریا جڤاکا ناڤدەولەتی بڕێڤەبچیت.