PM:11:29:26/07/2024
160 جار خوێندراوەتەوە
+
-
لدیڤ نویترین
راپۆرتا چاڤدێریا داراییا عێراقێ داهاتێ مەهانە
یێ باجێ ل هەرێما کوردستانێ زێدەتری 313 ملیار دینارانە و سالانە ژی دگەهیتە
نێزیکی سێ تڕلیۆن و 750 ملیار دیناران.
باج ئەو کەنەفا حکومەتا ڕێڤەبرنا
کارێن هەرێمێ ئێخستییە ملێ وەلاتی و کاسبکاران، نها ژی کابینەیا مەسرور بارزانی
ژبووی بانگەشەیا هەلبژارتنێ ژ سەرجەمێ 450 جورێن باجێ تنێ سێ جورێن باجێ ب
ئاوایەکێ دەمکی راگرتینە.
حکومەتا ڕێڤەبرنا کاران لدیڤ یاسایێ و
دەرڤەی یاسایێ ب نێزیکی 450 جوران باجێ وەردگرت و تنێ د کابینەیا مەسرور بارزانی و
قوباد تالەبانی ب ڕێژەیا 621 سەدێ باج هاتیە زێدەکرن و داهاتێ سالانە یێ باجێ
گەهشتیە زێدەتری سێ تڕلیۆن ٧٥٦ ملیار دیناران.
حکومەتى
کاربەرێکەر بەشێوەى هەڕەمەکى و بۆ پڕکردنى گیرفانى حزبەکانیان سەدان جۆر باج لە
خەڵک و کاسبکاران وەردەگرن، بۆ ئەوەى شانى خۆشى ئارداوى نەکات، دەڵێت سێ جۆر باجى
بەشێوەى کاتى و بەهۆى نزیکبوونەوەى هەڵبژاردنەوە هەڵگرتووە و هاوڵاتیانیش دەڵێن بۆ
هەڵبژاردنە و ئەگەر پارتى و یەکێتى دەربچنەوە چەندبەرامبەر باج و سەرانە وەرگرتن
زیاد دەکەنەوە.
نها حکومەتا
ڕێڤەبرنا کارێن هەرێمێ بۆ تژیکرنا بەریکێن حزبێن خۆ ب سەدەان جوران باجێ ژ وەلاتی
و کاسبکاران وەردگرن، لێ نها حکومەتا
ڕێڤەبرنا کاران ژبووی سپیکرنا ریێن خۆ سێ جورێن باجێ لسەر کاسبکاران هەلگرتیە، لێ
وەلاتی ژ ڤان فێلێن پارتی تێربووینە و دبێژن ئەگەر پارتی و یەکێتی د ڤێ هەلبژارتنێ
دەربچن دێ چەند بەرامبەر و چەندین ڕێکێن نوی باجێ ژ خەلکی وەرگرن.